ناسا عارىش قۇرىلعىلارىن جەر وربيتاسىندا قۇراستىرماق
عارىش تەحنولوگياسىن جاساۋمەن اينالىساتىن كومپانيا ا ق ش ۇكىمەتىنەن 142 ميلليون دوللار قارجى العان. بۇل اقشاعا Maxar Technologies جەر وربيتاسىندا سەرىكتەرگى قۇراستىرۋ مەن وزگە تەحنيكالاردى جاساۋ بويىنا جوبانى جاسايدى. 2020 -جىلى ۇشىرىلاتىن Restore-L قۇرىلعىسىنىڭ ەكى روبوت قولى بار. اتالعان جوباعا سايكەس اپپاراتقا تاعى ءبىر بەس مەترلىك قول جالعانادى. SPIDER اتاۋىن العان روبوت قۇرىلعىلاردى قۇراستىرۋمەن اينالىساتىن بولادى. ءبارى ويداعىداي وتسە، عارىش اپپاراتى جەر وربيتاسىندا ءبىرىنشى ءۇش مەترلىك انتەننانى جاساپ كورەدى. بۇل مىندەتتەمە SPIDER روبوت- قولىنا جۇكتەلگەن. انتەننا بولاشاقتا عارىش ستانتسيالارى مەن اپپاراتتاردى جەرمەن بايلانىسقا شىعاراتىن بولادى. بۇدان بولەك Restore-L عارىش قۇرىلعىسى وربيتادا 10 مەتر بولاتىن اپپاراتقا قاجەتتى ارنايى ارقالىقتى جاسايدى.
عالىمدار Restore-L اتالعان بولشەكتى جەر سەرىگەننەن ءۇزىپ الىپ، قايتا ورنىنا قويا الاتىنىن تەكسەرۋدى جوسپارلاپ وتىر. بۇل اشىق وربيتادا عارىش ستانسيالارى مەن كەمەلەرىن جاساۋعا دەگەن ءبىرىنشى قادام بولماق. بۇعان دەيىن SpaceX كومپانياسى اپات بولعان جاعدايدا عارىشكەرلەردى قاۋىپسىز ايماققا شىعارا الاتىن Crew Dragon كاپسۋلاسىن سىناقتان وتكىزگەن بولاتىن. ا ق ش اگەنتتىگى Commercial Crew اتتى جوباسىن باستادى. جوبانىڭ ماقساتى - عارىشكەرلەردى حالىقارالىق عارىش ستانتسياسىنا جەتكىزىپ، قايتا اكەلەتىن ارزان ءارى ساپالى اپپارات جاساپ شىعارۋ. بۇل ءۇشىن NASA سوڭعى ۋاقىتتا تابىستى جوبالارمەن كوزگە تۇسكەن SpaceX كومپانياسىمەن بىرگە جۇمىس ىستەۋدى ءجون دەپ شەشىپتى.
Massaget.kz
