وزگە ۇلت وقۋشىلارىنىڭ قازاق ءتىلىن بىلۋىنە ءمان بەرىلەدى - دانيال احمەتوۆ

وسكەمەن. قازاقپارات - شىعىس قازاقستان وبلىسىنىڭ اكىمى دانيال احمەتوۆ وزگە ۇلت وقۋشىلارىنىڭ قازاق ءتىلىن بىلۋىنە ءمان بەرۋ كەرەكتىگى تۋرالى ايتتى، دەپ حابارلايدى قازاقپارات ءتىلشىسى.

«وڭىرىمىزدەگى وزگە ۇلت وقۋشىلارىنىڭ مەملەكەتتىك ءتىلدى ءبىلۋى ءۇشىن تالاي شارالار قولعا الىنۋدا. الايدا وسىعان دەيىن قازاق ءتىلىن وقىتۋ ادىستەمەسى تىم اۋىر بولعانى راس. سونىڭ سالدارىنان وقۋشىلاردىڭ كوبىسى ءتىلدى دۇرىس ۇيرەنە الماي قالدى. وسىعان وراي ءبىز وقىتۋ ادىستەمەسىن وزگەرتىپ، بارىنشا جەڭىلدەتتىك»، - دەيدى ايماق باسشىسى قوعامدىق كەڭەس الدىنداعى ەسەپ بەرۋى كەزىندە.

ناتيجەسىندە بۇگىندە وزگە ۇلت وقۋشىلارىنىڭ قازاق تىلىنە دەگەن قىزىعۋشىلىعى وسكەن. ءتىل ۇيرەتەتىن مۇعالىمدەر دە بىلىكتىلىك ارتتىرۋدا.

دانيال احمەتوۆتىڭ ايتۋىنشا، بۇل ماقساتتاعى جۇمىستار الداعى ۋاقىتتا دا جالعاسىن تاپپاق.

اۆتور تالعاتجان مۇحامەتبەك ۇلى