سيريادا قازاق ۇلتتىق ۋنيۆەرسيتەتىنىڭ فيليالى اشىلادى
بۇل باستاما الماتىدا ءابۋ ناسىر ءال-فارابيدىڭ 1150 جىلدىعى مەرەكەسىن اتاپ ءوتۋ سالتاناتىنىڭ باستاۋ الۋى بارىسىندا ايتىلدى، دەپ حابارلايدى قازاقپارات ۋنيۆەرسيتەتتىڭ باسپا ءسوز قىزمەتىنە سىلتەمە جاساپ.
مەرەيتويلىق جىلدىڭ رەسمي ءراسىمىنىڭ اشىلۋىندا ءسوز العان ق ر مەملەكەتتىك حاتشىسى قىرىمبەك كوشەربايەۆ ۇلى ويشىلدىڭ 1150 جىلدىق مەرەيتويىن اتاپ ءوتۋ اياسىندا اۋقىمدى شارالار تەك ەل كولەمىندە عانا ەمەس، شەتەلدەردە دە جوسپارلانعانىن، سونىڭ ىشىندە قازاقستاننىڭ داماسك قالاسىنداعى تاريحي-مادەني ورتالىعى بازاسىندا قاز ۇ ۋ فيليالىن اشۋ قاراستىرىلعانىن جەتكىزدى.
بۇل باستاما قاز ۇ ۋ رەكتورى اكادەميك عالىم مۇتانوۆتىڭ ءال-فارابي جىلىنىڭ سالتاناتتى اشىلۋىنا كەلگەن داماسك ۋنيۆەرسيتەتىنىڭ پرەزيدەنتى پروفەسسور موحاممەد ماحەر كاباكيبيمەن كەزدەسۋىندە تالقىلاندى
«ءبىز بۇل يدەيانى تولىقتاي قولدايمىز جانە فيليالدىڭ قۇرىلۋىنا، العا جىلجۋىنا كومەك بەرەمىز. بۇل حالىقارالىق كولوبوراتسيا ءۇشىن جاقسى ۇلگى بولادى، قازاقستان مەن سيريا عىلىمي-ءبىلىم بەرۋ سالالارىندا ەكىجاقتى قارىم-قاتىناسىن نىعايتىپ، ءال-فارابي مۇرالارىنا تەرەڭنەن زەرتتەۋ جۇرگىزۋدى ارتتىرادى»، - دەيدى داماسك ۋنيۆەرسيتەتىنىڭ رەكتورى.
