ۋحاننان كەلگەن ستۋدەنتتەر اۋرۋحانادان قاشان شىعارىلادى
بۇل تۋرالى ق ر دەنساۋلىق ساقتاۋ مينيسترلىگىنىڭ رەسمي وكىلى دياس احمەتشارىپ ايتتى.
«كارانتين بىتكەنشە، ياعني 16 - اقپانعا دەيىن ۋحان قالاسىنان كەلگەن ازاماتتارعا بارۋعا بولمايدى. ءتىپتى بۇقارالىق اقپارات قۇرالدارىنىڭ وكىلدەرىنە دە. كەشە دەنساۋلىق ساقتاۋ مينيسترلىگى بارلىق تەلەارنالار ءۇشىن ارنايى سيۋجەت ءتۇسىردى. ول تۋرالى facebook پاراقشاسىندا دا جاريالاندى. ستۋدەنتتەر جۋرناليستەرمەن بولعان اڭگىمەدە وزدەرىنە بارلىق جاعداي جاسالعانىن جانە مەديتسينالىق قىزمەتكەرلەردىڭ وتە جاقسى قاراپ جاتقانىن جەتكىزدى» ، - دەدى دياس احمەتشارىپ قازمەديا ورتالىعىندا وتكەن بريفينگتە.
ايتا كەتەيىك، 2020 -جىلدىڭ 2 - اقپانىندا ق ر د س م ۇلتتىق شۇعىل مەديتسينا ۇيلەستىرۋ ورتالىعى قىتايدىڭ ۋحان قالاسىنان 83 قازاقستاندىقتى، ونىڭ ىشىندە 80 ستۋدەنتتى ەلگە جەتكىزدى .
ولار ەلوردادان 7 شاقىرىم جەردە ورنالاسقان كوپبەيىندى اۋرۋحانا جانىنداعى ينفەكتسياعا قارسى ارنايى بولىنگەن كورپۋستا 14 كۇندىك كارانتينگە جاتقىزىلدى.
ۇلتتىق ساراپتاما ورتالىعى 249 ماتەريالدى زەرتتەدى جانە كوروناۆيرۋس تابىلمادى.
