قازاقستاندا كيىم-كەشەك باعاسى قانشالىقتى قىمباتتادى؟
«تولىق ەمەس ءبىر جىلدا (11 ايدا) قازاقستانعا 576 ميلليون دوللاردىڭ كيىمى يمپورتتالدى. وتكەن جىلى قازاقستاندا 42,34 ميلليارد تەڭگەنىڭ كيىمى شىعارىلىپ، بۇل كورسەتكىش الدىڭعى جىلدان 19,8 پايىزعا ارتىق. ينفلياتسيانى ەسكەرە وتىرىپ، ونەركاسىپتىك ءوندىرىستىڭ ناقتى ءوسىمى 8,2 پايىزعا جەتتى» دەلىنگەن حابارلامادا.
بەلگىلى بولعانداي، وندىرىلگەن ءونىمنىڭ جارتىسىنا جۋىعى الماتى وبلىسىنا (9,51 ميلليارد تەڭگە)، شىمكەنت (4,76 ميلليارد تەڭگە) پەن الماتى 6,08 ميلليارد تەڭگە) قالالارىنا تيەسىلى.
اتاپ ايتقاندا، زاتتاي ماندە سىرتقى تريكوتاج كيىمى (85 پايىزعا)، شۇلىق بۇيىمى (43,6 پايىزعا)، باس كيىم (36,9 پايىزعا)، تەرىدەن جاسالعان ونىمدەر (27,2 پايىزعا)، سونداي-اق توقىما جىلى كيىمدەر، جەمپىر جانە وزگە دە ونىمدەر (21,5 پايىزعا) ءوندىرىسى ايتارلىقتاي ءوستى.
سونىمەن بىرگە، سالاداعى ەلەۋلى وسىمگە قاراماستان، جەرگىلىكتى ءوندىرىستىڭ ۇلەسى قاجەتتىلىك دەڭگەيىن تولىق قامتىماي وتىر.
وتكەن جىلدىڭ 11 ايىنىڭ قورىتىندىسى بويىنشا سىرت كيىم سەگمەنتىندە وتاندىق كومپانيالار سۇرانىستىڭ تەك 1,9 پايىزىن، ىشكى كيىم سەگمەنتىندە - 1,1 پايىزىن، توقىما كيىم مەن جەمپىرلەر بويىنشا 2,1 پايىزىن جاپتى. شۇلىق ءوندىرۋ باعىتىندا عانا جاعداي ءبىرشاما جاقسى بولدى، وتاندىق وندىرۋشىلەر سۇرانىستىڭ 9 پايىزىن قامتۋعا قاۋقارلى بولدى.
2019-جىلدىڭ قاڭتار-قاراشا ايلارىندا قازاقستانعا 576,1 ميلليون ا ق ش دوللارىنا كيىم مەن تريكوتاج ءارى تەكستيلدەن جاسالعان زاتتار يمپورتتالدى. وسى ورايدا ت م د ەلدەرى اراسىندا نەگىزگى جەتكىزۋشىلەر رەتىندە رەسەي مەن وزبەكستان بولدى، ال وزگە مەملەكەتتەر اراسىندا قىتاي، تۇركيا جانە بانگلادەش تىركەلدى.
وتكەن جىلدىڭ 12 ايىندا كيىم باعاسى 7,1 پايىزعا ءوستى. ناقتىراق ايتقاندا، ەرلەر كيىمى - 7,3 پايىزعا، ايەلدەر كيىمى - 6,7 پايىزعا، ال بالالار كيىمى 7,6 پايىزعا قىمباتتادى. تەرىدەن جاسالعان باس كيىمنىڭ قۇنى 6 پايىزعا، گالانتەرەيا تاۋارلارىنىڭ باعاسى 7 پايىزعا ءوستى.
