تۇركىستان اكىمى اي سايىن «اشىق ەسىك كۇنىن» وتكىزبەك

تۇركىستان. قازاقپارات - تۇركىستان قالاسىنىڭ اكىمى راشيد ايۋپوۆ تۇرعىنداردىڭ ءوتىنىم-ۇسىنىستارىن تىڭداۋ ءۇشىن «اشىق ەسىك كۇنىن» وتكىزدى، دەپ حابارلايدى قازاقپارات ءتىلشىسى.

قابىلداۋعا كەلگەن ازاماتتاردىڭ ءبىرى مۇمكىندىگى شەكتەۋلى جاندارعا قولداۋ تانىتۋدى ءارى ارنايى ورتالىق اشۋ ءۇشىن جەر تەلىمىن سۇرادى. بىرنەشە ازامات دەنساۋلىق جاعدايىنا بايلانىستى ىڭعايلى جۇمىسقا تۇرۋىنا قولداۋ ءبىلدىرۋدى ءوتىندى.

سونداي-اق، قالا تۇرعىندارىنا رۋحاني ازىق سىيلاپ جۇرگەن تەاتر قىزمەتكەرلەرى اكتەرلەر ءۇيىن جەكەشەلەندىرۋ جولدارىن قاراستىرۋدى ۇسىندى. سونىمەن بىرگە، قابىلداۋدا وزگە دە كوپتەگەن ماسەلەلەر تالقىلاندى. راشيد ابات ۇلى ءاربىر دەربەس ءبولىم باسشىلارىنا اتالمىش ماسەلەلەردىڭ قىسقا مەرزىمدە شەشىلۋى ءۇشىن نازارعا الىنىپ، قاجەتتى جۇمىستار جۇرگىزىلۋىن تاپسىردى.

«حالىقتىق اكىمدىك» قۇرۋدى ماقسات ەتكەن راشيد ابات ۇلى ەندى اي سايىن وسىنداي اشىق كەزدەسۋلەردى جۇزەگە اسىراتىنىن ايتىپ ءوتتى.