ەكيپاج مۇشەلەرىن مەديتسينالىق تەكسەرۋدەن وتكىزۋ ءتارتىبى كۇشەيتىلەدى
«ۇشۋ الدىنداعى مەديتسينالىق تەكسەرۋدى جۇرگىزۋ كەزىندە ازاماتتىق اۆياتسيا ۇيىمدارىنىڭ جانە ازاماتتىق اۆياتسيا ۇيىمدارىمەن كەلىسىم بويىنشا مەديتسينالىق ۇيىمداردىڭ مەديتسينالىق قىزمەتكەرلەرى مىندەتتى تۇردە دەنە تەمپەراتۋراسىن ولشەپ، تەرىنىڭ سىرتقى قابىعى مەن كوزگە كورىنەتىن شىرىشتى قاباتتارىنىڭ ءتۇسى مەن كۇيىنە (بوزارۋ، گيپەرەميا، شامادان تىس تەرلەۋ، اكروتسيانوز، ءىسىنۋ، تەرىنىڭ سارعايۋى، سكلەرا جانە ت. ب. ) باعا بەرۋ قاجەت. سونداي- اق، بادامشا بەزدەردىڭ، جۇمساق جانە قاتتى تاڭدايدىڭ شىرىشتى قابىعىن، جۇتقىنشاقتى جانە ءتىلىن تەكسەرۋ؛ قاراشىقتىڭ جارىققا رەاكتسياسىن انىقتاۋ قاجەت.
سونىمەن قاتار، ۇشۋ الدىنداعى مەديتسينالىق تەكسەرۋدەن وتەتىن بولمەنىڭ سانيتارلىق تازارتىلۋىن باقىلاۋدى كۇشەيتۋ ۇسىنىلدى» ، - دەلىنگەن حابارلامادا.
ۇشۋ الدىنداعى مەديتسينالىق تەكسەرۋ كابينەتتەرى جەتكىلىكتى مولشەردە تەرمومەترمەن، ءبىر رەتتىك ماسكالارمەن، ءبىر رەتتىك قولعاپتارمەن جانە ءبىر رەت پايدالاناتىن شپاتەلدەرمەن قامتاماسىز ەتىلۋى ءتيىس.
ەگەر جەدەل رەسپيراتورلىق ۆيرۋستىق ينفەكتسيا بەلگىلەرى بار اۆياتسيا پەرسونالى انىقتالعان بولسا، اۋماقتىق ەمحاناعا جانە/نەمەسە اۆياتسيالىق مەديتسينالىق ساراپشىلارعا جولداي وتىرىپ، فۋنكسيونالدىق مىندەتتەرىن ورىنداۋدان شەتتەتۋ قاجەت.
ۇشۋ قۇرامىنىڭ جانە كابينا ەكيپاجىنىڭ بارلىق مۇشەلەرىنە مەديتسينالىق ماسكا تاعۋ ۇسىنىلادى.
ق ر ي ي د م ازاماتتىق اۆياتسيا كوميتەتىندە قازاقستان رەسپۋبليكاسى مەن قىتاي حالىق رەسپۋبليكاسى اراسىنداعى تۇراقتى رەيستەردى ۋاقىتشا توقتاتۋ ماسەلەسى بويىنشا قازاقستاندىق جانە قىتايلىق اۋە كومپانيالاردىڭ وكىلدەرىمەن كەزدەسۋ ءوتتى.
«ەير استانا» ، China Southern Airlines جانە Air China وكىلدەرى ۋاقىتشا توقتاتىلعان رەيستەردىڭ جولاۋشىلارىنا بيلەتتەردى قايتارۋ ساتىپ الۋ ورنى بويىنشا تولىق كولەمدە جۇزەگە اسىرىلاتىنىن تاعى دا راستادى.
