وڭتۇستىك كورەيادا كوروناۆيرۋس جۇقتىرعان تاعى ءۇش وقيعا تىركەلدى

سەۋل. قازاقپارت - جەكسەنبى كۇنى وڭتۇستىك كورەيادا كوروناۆيرۋستىڭ جاڭا ءتۇرىن جۇقتىرعان تاعى ءۇش وقيعا تىركەلدى، دەپ حابارلايدى قازاقپارات رەنحاپقا سىلتەمە جاساپ.

وسىلايشا كوروناۆيرۋستىڭ جاڭا ءتۇرىن جۇقتىرعاندار 15 كە جەتتى. ايتا كەتۋ كەرەك، 87 ادام مۇقيات تەكسەرىپ شىعۋ ءۇشىن كارانتيندە جاتىر.

اۋرۋلاردى باقىلاۋ جانە الدىن الۋ جونىندەگى كورەي ورتالىعى 28 جاستاعى 13-ناۋقاستى جۇما كۇنى قىتايدىڭ ۋحان قالاسىنان جەتكىزىلگەن 368 ادامنىڭ ءبىرى ەكەنىن حابارلادى.

العاش كەلگەندە ەر ادامنان جاڭا كوروناۆيرۋستىڭ ەشقانداي بەلگىسى بولماعان جانە ونى سەۋلدەن وڭتۇستىك-باتىسقا قاراي 90 شاقىرىم جەردە اسانداعى مەملەكەتتىك مەكەمەگە ورنالاستىرعان. كەلەسى كۇنى ول ءوزىن جايسىز سەزىنگەن. سىناما ودان كوروناۆيرۋستىڭ بار ەكەنىن كورسەتكەن. دەنساۋلىق ساقتاۋ اگەنتتىگىنىڭ حابارلاۋىنشا، ەر ادام دەرەۋ ەل استاناسىنداعى اۋرۋحاناعا جەتكىزىلىپ، كارانتينگە جاتقىزىلدى.

«ۋحاننان كەلگەن ادامداردىڭ ءبىرىنشى لەگىنەن ءبىر ادامنان باسقاسىندا ۆيرۋس تابىلمادى. سەنبى كۇنى ەلگە ۇشىپ كەلگەن 333 كورەيدىڭ جەتەۋى مۇقيات تەكسەرۋدەن ءوتتى. ولاردىڭ اعزالارىنان ۆيرۋس تابىلعان جوق. دەگەنمەن، قالعان 326 ادامدى تەكسەرۋ جالعاسۋدا»، - دەپ حابارلادى ورتالىقتان.

كوروناۆيرۋستىڭ جاڭا ءتۇرىن جۇقتىرعان 14- ادام - ۆيرۋس جۇقتىرعان ەر ادامنىڭ 40 جاستاعى ايەلى. ونىڭ اعزاسىنداعى ۆيرۋس وتكەن سەنبى كۇنى تابىلدى.

ورتالىقتىڭ حابارلاۋىنشا، ون ەكىنشى ناۋقاس - جاپونيادا گيد بولىپ جۇمىس ىستەگەن قىتايلىق. ول بايلانىستى بولعان كۇنشىعىس ەلىنىڭ ازاماتتارىنا ۆيرۋس دياگنوزى قويىلعان. 19- قاڭتاردا گيد وڭتۇستىك كورەياعا كەلگەن، ءبىراق كەلگەننەن كەيىن كوروناۆيرۋس بەلگىسى بايقالماعاندىقتان، ول ەمىن-ەركىن جۇرگەن.

كورەيلىك ورتالىق ەلدە جۇرگەندە ونىمەن بايلانىستا بولعان 138 ادامنىڭ انىقتالعانىن حابارلادى. قازىرگى ۋاقىتتا ورتالىق قىزمەتكەرلەرى اتالعان گيدتەن كوروناۆيرۋس جۇقتىرۋى مۇمكىن ادامداردى ىزدەۋدە.

ال ون بەسىنشى اۋرۋ جۇقتىرعان ناۋقاس 43 جاسار وڭتۇستىك كورەيالىق ۆيرۋس وشاعى ۋحاندا بولعان. ەر ادام ەلگە 20- قاڭتاردا ورالعان. بيلىك ونىڭ باقىلاۋدا ەكەنىن مالىمدەدى.

كورەيالىق اۋرۋلاردى باقىلاۋ جانە الدىن الۋ ورتالىقتارى ناۋقاس ادامداردىڭ قاي جەرلەرگە بارعانىن انىقتاپ جاتر. سول ارقىلى ينفەكتسيا جۇقتىرۋى مۇمكىن ادامداردىڭ سانىن انقىتاۋ كوزدەلىپ وتىر.

ۇكىمەتتىڭ قولعا العان اۋقىمدى شارالارىنا توقتالا كەتەتىن بولساق، ۋحان قالاسى مەن حۋبەي پروۆينتسياسىنان ادامداردىڭ كەلۋىنە شەكتەۋ جاريالاندى، ەل ازاماتتارىنىڭ دەنساۋلىعى ءۇشىن قاۋىپ ءتوندىرۋى مۇمكىن كەز كەلگەن ادام اۋرۋدىڭ بەتى قايتقانشا وقشاۋلايتىن قاتاڭ شارا قولدانىلاتىنى ءمالىم ەتىلدى.