قوستانايدا ەكى مەكتەپكە اباي مەن ىبىراي ءالتىنسارينىڭ ەسىمى بەرىلدى
ءماسليحاتتىڭ كەزەكتەن تىس سەسسياسىندا وبلىستىق تىلدەردى دامىتۋ باسقارماسىنىڭ باسشىسى گۇلجان مەندەكينوۆا ونوماستيكا ماسەلەلەرى بويىنشا بايانداما جاسادى.
ونىڭ ايتۋىنشا، ق ر پارلامەنتى ءماجىلىسىنىڭ ءبىر توپ دەپۋتاتى جانە وبلىستىڭ زيالى قاۋىم وكىلدەرى قوستاناي قالاسىنداعى ۆاسيلي چەكماريەۆ اتىنداعى كوشەگە كورنەكتى قوعام قايراتكەرى ورال مۇحامەدجانوۆتىڭ ەسىمىن بەرۋ جونىندە قوستاناي قالاسى اكىمدىگىنە ۇسىنىم حات جولداعان.
«بۇل ماسەلە 14- قاراشادا وتكەن قوستاناي قالاسى ءماسليحاتىنىڭ تۇراقتى دەپۋتاتتارى كوميسسياسىنىڭ بىرلەسكەن وتىرىسىندا قارالدى. كوشەنى قايتا اتاۋ تۋرالى قالا اكىمدىگىنىڭ ۇسىنىمى ق ر ۇكىمەتى جانىنداعى رەسپۋبليكالىق ونوماستيكالىق كوميسسيانىڭ وتىرىسىندا قارالىپ، تولىقتاي قولداۋ تاپتى. وبلىس اكىمدىگىنىڭ بىرلەسكەن قاۋلىسىمەن وبلىستىق ءماسليحاتتىڭ شەشىمى جوباسىنا مۇددەلى ورگانداردىڭ جانە ادىلەت دەپارتامەنتى كەلىسىمدەرىن الۋ بويىنشا بارلىق پروتسەدۋرالار جۇزەگە اسىرىلدى»، - دەدى وبلىستىق گۇلجان مەندەكينوۆا.
سونىمەن قاتار باسقارما باسشىسى فەدوروۆ اۋدانىنداعى ديميتروۆ اتىنداعى 1№ ورتا مەكتەپكە اباي قۇنانبايەۆتىڭ اتىن، 2№ ورتا مەكتەپكە ىبىراي التىنساريننىڭ ەسىمىن بەرۋ ۇسىنىستارىن جاريا ەتتى. ءماسليحات دەپۋتتاتتارى اتالعان ۇسىنىستاردى ءبىراۋىزدان قولدادى.
