ەلجان ءبىرتانوۆ اۋەجايلاردا نەگە شۇعىل تەستىلەۋ جۇرگىزىلمەيتىنىن ءتۇسىندىردى
بۇل تۋرالى مينيستر ءوزىنىڭ Facebook-پاراقشاسىندا جازدى. «مەنەن اۋەجايلاردا نەگە شۇعىل تەست جۇرگىزىلمەيتىنى تۋرالى سۇرايدى. وسىعان قاتىستى ايتارىم: 2019nCov كوروناۆيرۋسىنا قاتىستى شۇعىل تۇردە جۇرگىزىلەتىن ءتيىمدى تەستىلەر الەم بويىنشا جوق. پ ت ر دياگنوستيكاسى بار. ونى سوڭعى اپتالاردا كوپتەگەن مەملەكەتتەر د د ۇ- نىڭ نۇسقاۋى بويىنشا دايىنداعان. ۆيرۋس جاڭا شىققان. وعان قاتىستى قازىر ونەركاسىپ وندىرىسىندە ەشقانداي تەست جوق. ەڭ باستىسى، قازىر ءبىزدىڭ ءوزىمىزدىڭ تەستىمىز بار. ول تەك كوروناۆيرۋس جۇقتىرعاندا جانە وسى ۆيرۋس تۇرىنە كۇدىك تۋعاندا كورسەتەدى. ەگەر ءسىز ءوزىڭىزدى جايسىز سەزىنسەڭىز دارىگەرگە قارالىڭىز. ەگەر تۇماۋ نەمەسە كوروناۆيرۋس سياقتى ۆيرۋسقا قاتىستى كۇدىك تۋسا، سىزدەن 10 ءتۇرلى ۆيرۋس شتامدارى بويىنشا تەست الىنادى. امان بولىڭىزدار!» ، - دەپ جازدى مينيستر.
