قازاقستاندا كۇن جىلىنىپ كەلەدى

نۇر-سۇلتان. قازاقپارات - سينوپتيكتەر 1-3- اقپانعا اۋا رايى بولجامىن ۇسىندى، دەپ حابارلايدى قازاقپارات «قازگيدرومەت» ر م ك- عا سىلتەمە جاساپ.

كاسپيدىڭ ۇستىندە تسيكلون قالىپتاسىپ، ول تاياۋ كۇندەرى اتموسفەرالىق اعىندار مەن وڭتۇستىك-باتىس تروپوسفەرالىق اۋا اعىندارىمەن بىرگە قازاقستانعا اۋىسادى. تسيكلون وزىمەن بىرگە ىلعالدى جانە جىلى اۋا ماسسالارىن اكەلىپ، تۇندە اۋا تەمپەراتۋراسى پليۋس 2…8°گرادۋس بولادى. ياعني، رەسپۋبليكاداعى اۋا تەمپەراتۋراسى بىردەن كوتەرىلەدى.

«دەمالىس كۇندەرى وڭتۇستىكتە جانە وڭتۇستىك-شىعىستا پليۋس 3…13° گرادۋس، دۇيسەنبى كۇنى سولتۇستىك، ورتالىق جانە شىعىس وبلىستاردا 0…مينۋس 8° گرادۋس بولادى. اتموسفەرالىق اعىندار جىلۋمەن بىرگە جاۋىن-شاشىن اكەلەدى: وڭتۇستىكتە جانە باتىستا جاڭبىر، قار ارالاس جاڭبىر جاۋسا، باسقا وڭىرلەردە قار جاۋادى»، - دەلىنگەن حابارلامادا.