دۇنيەجۇزىلىك دەنساۋلىق ساقتاۋ ۇيىمى كوروناۆيرۋسقا بايلانىستى توتەنشە جاعداي جاريالادى

نۇر-سۇلتان. قازاقپارات - دۇنيەجۇزىلىك دەنساۋلىق ساقتاۋ ۇيىمى (د د س ۇ) كوروناۆيرۋستىڭ تارالۋىنا بايلانىستى حالىقارالىق دەڭگەيدە توتەنشە جاعداي جاريالادى.

دەگەنمەن ۇيىم باسشىسى تەدروس گەبرەيەسۋس حالىقارالىق ءىس-ساپارلار مەن ساۋداعا شەكتەۋ قويۋعا نەگىز جوق دەدى.

قىتايدان تىس اۋماقتا ۆيرۋستى جۇقتىرعاندار سانى 100 گە جەتتى. 18 ەلدەن ۆيرۋس تابىلعان. قىتايدىڭ وزىندە ۆيرۋستى جۇقتىرعاندار سانى ون مىڭعا جۋىقتاپ، كەمىندە 213 ادام ولگەن. 12 مىڭنان استام ادامنان كوروناۆيرۋس بەلگىلەرىن ىزدەپ جاتىر.

بىرنەشە قالادا كارانتين جاريالانىپ، جابىلدى. وندا بارلىعى 60 ميلليون ادام تۇرادى. قىتاي دارىگەرلەرىنىڭ ايتۋىنشا، ۆيرۋسقا قارسى ەكپەنى سىناقتان وتكىزۋ ءۇشىن كەمىندە ءۇش اي كەرەك.

2009-جىلدان بەرى د د س ۇ وسىمەن التىنشى رەت حالىقارالىق دەڭگەيدە توتەنشە جاعداي جاريالاپ وتىر. سوڭعى رەت ۇيىم 2019-جىلى كونگو دەموكراتيالىق رەسپۋبليكاسىندا ەبولانىڭ جاپپاي تارالۋىنا بايلانىستى وسىعان ۇقساس مالىمدەمە جاساعان. 2020-جىلدىڭ قاڭتار ايىنداعى دەرەك بويىنشا، بۇل اۋرۋدان 2236 ادام ولگەن.

30- قاڭتاردا قازاقستانداعى جاعدايدى بايانداعان دەنساۋلىق ساقتاۋ ءمينيسترى ەلجان ءبىرتانوۆ 38 ادامنان كوروناۆيرۋس بەلگىلەرىن ىزدەپ جاتىر، ولار اۋرۋحانادا جاتىر دەپ مالىمدەدى.

«ازاتتىق»