ەڭ كوپ جالاقى قاي وڭىردە
ال ەڭ تومەنگى ەڭبەكاقى تۇركىستان وبلىسىندا - 138,1 مىڭ تەڭگە. قازاقپارات بۇل تۋرالى ق ر ۇلتتىق ەكونوميكا مينيسترلىگى ستاتيستيكا كوميتەتىنە سىلتەمە جاساپ حابارلايدى.
2019-جىلعى IV توقساندا قازاقستاندا ءبىر قىزمەتكەردىڭ ورتاشا ايلىق اتاۋلى جالاقىسى 203883 تەڭگەنى قۇرادى. اتاۋلى جالاقى يندەكسى 2018-جىلعى ءتيىستى توقسانىنا %115,8، ال ناقتى جالاقى يندەكسى %109,9 قۇردى.
ەڭ ۇلكەن اتاۋلى جالاقى كەن ءوندىرۋ ونەركاسىبى جانە كارەرلەردى قازۋ سالاسىندا بەلگىلەندى - 428,3 مىڭ تەڭگە (ورتاشا رەسپۋبليكالىق دەڭگەيدەن 2,1 ەسەگە كوپ). ودان كەيىنگى ورىندا قارجى جانە ساقتاندىرۋ قىزمەتى سالاسى تۇر - 402,5 مىڭ تەڭگە (2,0 ەسەگە استى)، كاسىبي، عىلىمي جانە تەحنيكالىق قىزمەتتە - 373,4 مىڭ تەڭگە (1,8 ەسەگە استى)، اقپارات جانە بايلانىس سالاسىندا 278,0 مىڭ تەڭگە (1,4 ەسەگە استى) جالاقى الادى.
ەڭ تومەنگى اتاۋلى جالاقى اۋىل، ورمان جانە بالىق شارۋاشىلىعىنىڭ قىزمەتكەرلەرىندە - 127,3 مىڭ تەڭگە. بۇل، رەسپۋبليكا بويىنشا ورتا كورسەتكىشتەن %37,6 تومەن.
وڭىرلەر بويىنشا ەڭ كوپ ەڭبەكاقىنى اتىراۋ وبلىسىنىڭ تۇرعىندارى الادى - 345,2 مىڭ تەڭگە. بۇل، ورتاشا رەسپۋبليكالىق كورسەتكىشتەن شامامەن 1,7 ەسەگە جوعارى. ەڭ تومەنگى تابىس تۇركىستان وبلىسىندا، ونىڭ كولەم 138,1 مىڭ تەڭگەنى قۇرادى. بۇل، ەل بويىنشا ورتاشا دەڭگەيدەن %32,3 تومەن.
اقمولا وبلىسىندا 156,4 مىڭ تەڭگە، اقتوبە وبلىسىندا 169,8 مىڭ تەڭگە، الماتى وبلىسىندا 150,5 مىڭ تەڭگە، باتىس قازاقستان وبلىسىندا 201,9 مىڭ تەڭگە، جامبىل وبلىسىندا 139,9 مىڭ تەڭگە، قاراعاندى وبلىسىندا 189,4 مىڭ تەڭگە، قوستاناي وبلىسىندا 161,6 مىڭ تەڭگە، قىزىلوردا وبلىسىندا 159,4 مىڭ تەڭگە، ماڭعىستاۋ وبلىسىندا 309,1 مىڭ تەڭگە، پاۆلودار وبلىسىندا 177,4 مىڭ تەڭگە، سولتۇستىك قازاقستان وبلىسىندا 141 مىڭ تەڭگە، شىعىس قازاقستان وبلىسىندا 183 مىڭ تەڭگە، نۇر-سۇلتان قالاسىندا 308,1 مىڭ تەڭگە، الماتى قالاسىندا 248,6 مىڭ تەڭگە جانە شىمكەنت قالاسىندا 152,5 مىڭ تەڭگەنى قۇرايدى.
