التى مىڭ جولاۋشى كوروناۆيرۋس كۇدىگى بار ەرلى- زايىپتىنىڭ كەسىرىنەن كرۋيز كەمەسىندە قامالىپ وتىر

ريم. قازاقپارات - كوروناۆيرۋس بەلگىسى بار دەپ كۇدىكتەلگەن ەرلى- زايىپتى كەسىرىنەن التى مىڭ جولاۋشى يتاليالىق كرۋيز كەمەسىندە قالۋعا ءماجبۇر بولدى.

بۇل تۋرالى قازاقپارات ANSA اگەنتتىگىنە سىلتەمە جاساپ.

وسى اپتادا Costa Crociere كرۋيز لاينەرىنىڭ بورتىنداعى گونكونگتەن كەلگەن ەرلى- زايىپتىنىڭ بىرنەشە كۇن بۇرىن ىستىعى كوتەرىلىپ، تىنىس الۋى ناشارلاعان. ولار كوروناۆيرۋس جۇقتىردى دەگەن كۇدىك بار.

وسى جاعدايعا بايلانىستى لاينەردىڭ 6 مىڭ جولاۋشىسىنا كەمەدەن كەتپەۋ تۋرالى بۇيرىق بەرىلگەن.

ەرلى- زايىپتى قازىر بارلىق قاجەتتى تالداۋدى تاپسىردى. بۇل ءۇشىن ريمنەن جۇقپالى اۋرۋلار مەن ۆيرۋستارعا قارسى ماماندانعان ساراپشىلار كەلدى. ەرلى- زايىپتى كەمە بورتىنداعى اۋرۋحانا پالاتاسىنا جاتىر.

ولار 25 - قاڭتاردا يتالياعا كەلگەن، ميلان قالاسىنداعى مالپەنس اۋەجايىنا ۇشىپ جەتىپ، وسى اپتادا ساۆونداعى كەمە بورتىنا كوتەرىلگەن.

اگەنتتىك سونداي- اق، كوروناۆيرۋس تارالعان قىتايدىڭ ۋحان قالاسىنان 59 يتاليا ازاماتى ۇشاقپەن ەلىنە جەتكىزىلەتىنىن حابارلادى. ولار يتالياداعى اسكەري نىساندا 14 كۇن بويى كارانتيندا بولادى.