ساۋد ارابياسىندا مۋزىكالىق اسپاپتاردا ويناۋعا رۇقسات بەرىلدى

نۇر-سۇلتان. قازاقپارات - ساۋد ارابياسىندا الەۋمەتتىك رەفورما مۋزىكا سالاسىن دا بىرتىندەپ قامتىپ جاتىر. ەل استاناسى ەر- رياد قالاسىنىڭ كوشەلەرىنەن اۋەزدى اۋەندەر ەركىن ەستىلە باستادى.

ال بازارلاردا مۋزىكالىق اسپاپتاردى ساتۋ وسكەن. قازىر ەر- رياد بازارىندا مۇنداي ونشاقتى دۇكەن بار. تۇرعىندار دا باياعىداي «جازاعا تارتىلامىن» دەگەن قورقىنىش جوق. قوعامداعى وزگەرىستەرگە كورولدىكتىڭ تاق مۇراگەرى قولعا العان رەفورمالار سەبەپ. «2030 ستراتەگياسىنا» ساي مەملەكەت اشىق بولۋعا ءتيىس. مىسالى، سوڭعى جىلدارى ساۋد ارابياسىندا ايەلدەردىڭ كولىكتى ايداۋىنا رۇقسات ەتىلدى.

ابدۋللا الماكي، مۋزىكانت:

- باياعىدا حالىق الدىندا وسىلاي ونەر كورسەتەمىز دەپ ويلاماپپىز. مەن مۋزىكالىق اسپاپتى اتا- انام مەن اقساقالداردان جاسىراتىنمىن. ويتكەنى مۋزىكا ۇيات دۇنيە بولىپ سانالدى. ءبىراق قازىر سالت- ءداستۇر وزگەرە باستادى. ەندى ادامداردىڭ الدىندا ءان ايتىپ، بي بيلەۋدىڭ ەش ابەستىگى جوق، كەرىسىنشە مۇنداي ونەر جاقسى باعالانادى.

www.24.kz