قىتايلىق عالىمدار كوروناۆيرۋستىڭ الدىن الاتىن ءادىس ويلاپ تاپتى

نۇر-سۇلتان. قازاقپارات - قىتاي عالىمدارى جاسۋشالىق دەڭگەيدە ولىمگە الىپ كەلەتىن دەرتتىڭ الدىن الاتىن ءدارى ويلاپ تاپقانىن ايتتى.

ماماندار بۇل كوروناۆيرۋستى تەجەيتىنىن ايتتى دەپ حابارلايدى KAZ. NUR. KZ.

بۇل ءادىستى قىتاي حالىق رەسپۋبليكاسى عىلىم اكادەمياسى ۋحان ۆيرۋسولوگيا ينستيتۋتىنىڭ ماماندارى ولاردىڭ ويلاپ تاپقانىن جاريا ەتتى.

اسپان استى ەلىندە قاۋىپتى ۆيرۋس تاراي باستاعاننان كەيىن، ماماندار دەرتتىڭ قوزدىرعىشىن زەرتتەۋگە كىرىستى. سونداي-اق، ولار كوروناۆيرۋستىڭ قايدان پايدا بولاتىنىن انىقتاۋعا تىرىستى دەپ جازادى ر ي ا نوۆوستي.

ۆاكتسينانى تابۋ ءۇشىن ماماندار الدىمەن الەمدىك عالىمدار ازىرلەگەن ۆيرۋسقا قارسى ءدارى-دارمەكتەردى تەكسەرىپ شىققان. قازىرگى ۋاقىتتا انىقتالعان ءادىس تىشقاندار مەن پريماتتاردا سىنالاتىن بولادى.

ەستەرىڭىزگە سالا كەتەيىك، ەلىمىزدىڭ باس سانيتار دارىگەرى جانداربەك بەكشين و ك ق بريفينگىندە كوروناۆيرۋستىڭ تاراۋىنا بايلانىستى الەمدە قالىپتاسقان جاعداي جايلى باياندادى.

ول ۆيرۋستىڭ كوزى جانۋارلار-جارعاناتتار، سۇتقورەكتىلەر، ونىڭ ىشىندە قوياندار، قۇستار، سونداي-اق، ۋحان بازارىنداعى ايۋ تابانى، ايۋ جانە بورسىق مايى ەكەنىن ايتتى.

ال 26-قاڭتاردا مەملەكەت باسشىسى قاسىم-جومارت توقايەۆ قىتايداعى كوروناۆيرۋستىڭ ەلىمىزدە تارالۋىنىڭ الدىن الۋدى تاپسىردى.

وسىعان بايلانىستى قازاقستاننىڭ پرەمەر-ءمينيسترى اسقار مامين جيىن وتكىزدى.

كەيىنىرەك ءماجىلىس دەپۋتاتى قىتاي مەن قازاقستان اراسىنداعى بارلىق شەكارانىڭ جابىلعانىن مالىمدەدى.

سوڭعى مالىمەتتەر بويىنشا، اسپان استى ەلىندە كوروناۆيرۋستان قازا تاپقانداردىڭ سانى 170 ادامعا جەتتى.