اباي ولەڭدەرىن وقۋ ەستافەتاسىنا تاتارستان پرەزيدەنتى قوسىلدى
تاتار باسشىسى اقىننىڭ ولەڭىنەن ءۇزىندى وقىعان ۆيدەونى Instagram-داعى جەكە پاراقشاسىندا جاريالادى، دەپ حابارلايدى قازاقپارات تاتار- ينفورم سايتىنا سىلتەمە جاساپ.
«مەن ءوز دوسىم - شىعىس قازاقستان وبلىسىنىڭ اكىمى دانيال كەنجەتاي ۇلى احمەتوۆتەن ەستافەتانى قۋانا قابىلدادىم جانە ونى قازاقستان رەسپۋبليكاسىندا تۇراتىن تاتار دياسپوراسىنا جولدايمىن»، - دەدى ميننيحانوۆ.
ەسكە سالا كەتەيىك، 2020 -جىلى قازاقتىڭ ۇلى اقىنى، كومپوزيتور جانە اعارتۋشى ابايدىڭ تۋعانىنا 175 جىل تولادى. ول - قازاق جازبا ادەبيەتىنىڭ نەگىزىن سالۋشى جانە تۇڭعىش كلاسسيك.
«قۇنانبايەۆتىڭ مەرەيتويىنا وراي ۇيىمداستىرىلعان فلەشموب الەۋمەتتىك جەلىلەردە قارقىن الۋدا. قاتىسۋشىلار كلاسسيكتىڭ ولەڭدەرىن وقىپ، اندەرىن ورىنداۋدا. فلەشموبقا قازاقستان پرەزيدەنتى قاسىم- جومارت توقايەۆ، ءانشى ديماش قۇدايبەرگەنوۆ، كومپوزيتور يگور كرۋتوي دا قوسىلعان بولاتىن»، - دەپ جازادى تاتار- ينفورم.
ايتا كەتەيىك، ق ر پرەزيدەنتى قاسىم- جومارت توقايەۆ اباي شىعارمالارىنان ءۇزىندى ورىنداۋ ەستافەتاسىن 9 جاسار مەكتەپ وقۋشىسىنان قابىل الىپ ، ونى ءبىلىم جانە عىلىم ءمينيسترى اسحات ايماعامبەتوۆكە جانە جاس ءانشى ديماش قۇدايبەرگەنگە جولداعان ەدى. كەيىن رەسەيدىڭ حالىق ءارتىسى يگور كرۋتوي ديماش جولداعان ەستافەتانى جالعاستىرىپ، اقىن ولەڭدەرىن وقىعان بولاتىن.
اتالمىش ەستافەتانى «قازاقپارات» حالىقارالىق اقپارات اگەنتتىگىنىڭ ۇجىمى «ەگەمەن قازاقستان» گازەتىنەن قابىل الىپ، ابايدىڭ «كوزىمنىڭ قاراسى» ءانىن شىرقادى جانە چەللەندجدى تاتارستاننىڭ «تاتار- ينفورم» اقپارات اگەنتتىگىنە، قىرعىز رەسپۋبليكاسىنىڭ «كابار» ۇلتتىق اقپارات اگەنتتىگىنە، «Tengrinews» جانە NUR. KZ پورتالدارىنا جولدادى.
كەيىن «تاتار- ينفورم» وكىلدەرى ابايدىڭ ولەڭىن وقىپ، #abai175 فلەشموبىن ت ن ۆ - «ياڭا گاسىر» تەلەراديوكومپانياسىنا جانە «بولگار راديوسىنا» تاپسىردى.
