الماتى ماڭىندا قۇلاعان ۇشاقتان قۇتقارىلعان ءسابي تۋرالى ۆيدەو جاريالاندى

بەينەجازبا Instagram جەلىسىندە ztb_video پاراقشاسىندا جارىق كوردى.

«بۇل ۆيدەو ۇشاق اپاتقا ۇشىراعان ورىندا تۇسىرىلگەن. كادردە قۇتقارۋشىنىڭ كىشكەنتاي ءسابيدى قاۋىپسىز جەرگە اپارا جاتقانىن كورۋگە بولادى. بۇعان دەيىن قۇتقارۋشى مەن ءسابيدىڭ سۋرەتى جاريالانىپ، بۇگىنگى كۇننىڭ ۇزدىك سۋرەتى اتانعان بولاتىن» ، - دەپ جازىلعان پاراقشادا.

ايتا كەتەيىك، بۇگىن تاڭەرتەڭ الماتىدان نۇر- سۇلتان قالاسىنا ۇشىپ شىققان ۇشاق راداردان جوعالىپ كەتتى.

كەيىن 95 جولاۋشى مەن 5 ەكيپاج مۇشەسى بار ۇشاقتىڭ اپاتقا ۇشىراعانى ءمالىم بولدى. وقيعانىڭ ءمان- جايىن انىقتاۋ ءۇشىن ۇشاق قۇلاعان اۋماققا ارنايى كوميسسيا ۇشىپ شىقتى.

ق ر پرەزيدەنتى قاسىم- جومارت توقايەۆ ۇشاق اپاتىنا كىنالىلەر زاڭعا سايكەس قاتاڭ جازالاناتىنىن مالىمدەدى. ەلباسى نۇر- سۇلتان نازاربايەۆ جولاۋشىلار ۇشاعىنىڭ اپاتقا ۇشىراۋىنا بايلانىستى كوڭىل ايتتى.

ق ر د س م ۇشاق اپاتىنان زارداپ شەككەندەرگە مەديتسينالىق كومەك كورسەتۋ ءۇشىن رەسۋرستار جەتكىلىكتى ەكەنىن، قان تاپسىرۋدىڭ قاجەتى جوق ەكەنىن مالىمدەدى.