اسقار ۋماروۆ: پرەزيدەنتتىك جاستار كادر رەزەرۆىنە ىرىكتەۋ اشىق ءوتتى

بۇل تۋرالى جاستار كادر رەزەرۆى جونىندەگى ساراپشىلار كوميسسياسىنا باقىلاۋشى رەتىندە قاتىسقان «قازاقپارات» ح ا ا» ج ش س باس ديرەكتورى اسقار ۋماروۆ ءمالىم ەتتى.

«جاقىندا پرەزيدەنتتىك جاستار كادر رەزەرۆىنە ىرىكتەۋدىڭ قورىتىندى كەزەڭى وتكەن بولاتىن. مەن كانديداتتارمەن اڭگىمەلەسەتىن ساراپشىلار كوميسسياسىنىڭ قۇرامىنا باقىلاۋشى رەتىندە ەنگەن ەدىم. سونداي-اق، مارات باشيموۆ، ارتۋر پلاتونوۆ، دانيار اشىمبايەۆ جانە باسقا دا تانىمال ساراپشىلار، قوعام قايراتكەرلەرى دە باقىلاۋشى بولدى. ال كوميسسيا قۇرامى قر پرەزيدەنتى اكىمشىلىگى، مەملەكەتتىك قىزمەت ىستەرى جونىندەگى اگەنتتىك، سونىمەن قاتار اكادەميالىق ورتا وكىلدەرىنەن جاساقتالعان. جالپى العاندا بارلىق جۇمىس سيفرلىق تەحنولوگيالار قولدانىلا وتىرىپ، جەتكىلىكتى دەڭگەيدە اشىق ءوتتى، ياعني داۋىس قۇقىعىنا يە كوميسسيانىڭ ءاربىر مۇشەسىنە جەكە-جەكە پلانشەتتەر بەرىلگەن، ولار ىرىكتەۋ بارىسىندا كانديداتتارعا قاتىستى كورسەتكىشتەردى بىردەن قويىپ، باعا بەرىپ وتىردى. بۇل رەتتە مەملەكەتتىك قىزمەت ىستەرى جونىندەگى اگەنتتىك تاراپىنان جۇمىستاردىڭ جاقسى ۇيىمداستىرىلعانىن دا اتاپ وتكىم كەلەدى. ىرىكتەۋگە اسا بەلسەندى، ءبىلىمى تەرەڭ جاستار قاتىستى، وسىنىڭ ءوزى كوميسسيا مۇشەلەرىنە باعا بەرۋدە قيىندىق تۋدىرعانى ءمالىم. سوعان قاراماستان، مەنىڭ ويىمشا، كوميسسيا ەڭ ۇزدىكتەردى تاڭداي الدى. جالپى العاندا 330 جاس ىرىكتەلگەن، ەندى وسى جاس مامانداردىڭ 300 ى پرەزيدەنتتىك جاستار كادر رەزەرۆىنە ەنگىزۋگە ۇسىنىلادى. ال ودان ارى قاراي رەزەرۆكە ەنگەن تۇلعالار ەلىمىزدەگى مەملەكەتتىك قىزمەت سالاسىنىڭ جاڭارۋى مەن جاڭعىرۋىنا جۇمىس ىستەيدى»، - دەدى ا. ۋماروۆ.

ونىڭ ايتۋىنا قاراعاندا، كوميسسيا ەكى اپتا بويى ساعات 9:00 دەن 19:00 گە دەيىن تاپجىلماي وتىرىپ جۇمىس ىستەدى. ءاربىر ۇمىتكەرگە شامامەن 7 مينۋت ءبولىندى، وسى ۋاقىت ىشىندە كوميسسيا مۇشەلەرى سۇراق قويىپ، العان جاۋاپتارى بويىنشا شەشىم قابىلداپ، ونى وزدەرىنىڭ قولىنداعى پلانشەتتە بەلگىلەۋگە ۇلگەرىپ وتىرۋى ءتيىس بولدى.

ەسكە سالا كەتەيىك، ق ر پرەزيدەنتى قاسىم-جومارت توقايەۆ ءوزىنىڭ سايلاۋ الدىنداعى باعدارلاماسىندا پرەزيدەنتتىك جاستار كادر رەزەرۆىن قۇرۋ قاجەتتىگىن ايقىنداپ، مۇنداي رەزەرۆ جاستار ءۇشىن ءتيىمدى الەۋمەتتىك ليفت بولۋى كەرەكتىگىن اتاپ وتكەن ەدى.

رەزەرۆكە ىرىكتەۋ جۇمىسىنا مەملەكەتتىك قىزمەتكەرلەر، كۆازيمەملەكەتتىك سەكتور، جەكە سەكتور جانە ازاماتتىق قوعام وكىلدەرى قاتىستى. ۇمىتكەرلەردى تىركەۋ بيىلعى جىلى 1-30 -قىركۇيەك ارالىعىندا ءوتتى. نەگىزگى تالاپ بويىنشا كانديدات جاسى 35 تەن اسپاعان قازاقستان رەسپۋبليكاسىنىڭ ازاماتى بولىپ، ءبىلىمى مەن جالپى ەڭبەك ءوتىلى 5 جىلدان كەم بولماۋى ءتيىس ەدى.

ۇمىتكەرلەردى ىرىكتەۋ 6 كەزەڭ بويىنشا ءوتتى. ءبىرىنشى كەزەڭ - قۇجات قابىلداۋ. ەكىنشى كەزەڭ - كانديداتتاردىڭ كۇردەلى ماتىندىك جانە ساندىق اقپاراتتارمەن جۇمىس ىستەۋ مۇمكىندىكتەرىن انىقتاۋعا ارنالعان تەستىلەۋ. ءۇشىنشى كەزەڭ - تەستىلەر قورىتىندىسى. ءتورتىنشى كەزەڭ - كانديداتتىڭ الەۋەتىن، سونىڭ ىشىندە ونىڭ ليدەرلىك قاسيەتىن، ستراتەگيالىق ويلاۋ دەڭگەيىن، موتيۆاتسيا مەن قۇندىلىق بويىنشا باعالاۋ. بۇل كەزەڭدە ۇمىتكەرلەر ەسسە جازىپ، وزدەرىنىڭ الەۋمەتتىك مانگە يە جوبالارىن تانىستىردى، ال ادام رەسۋرستارى سالاسىنداعى ارنايى ساراپشىلار قاتىسۋشىلاردىڭ قۇزىرەتىن باعالادى.

بەسىنشى كەزەڭ - ۇمىتكەرلەر ساراپشىلار كوميسسياسىندا اڭگىمەلەسۋدەن ءوتتى. بۇل ەتاپقا وسىعان دەيىنگى كەزەڭدەردە بالل جيىنتىقتارى بويىنشا ۇزدىك ناتيجە كورسەتكەندەر جىبەرىلدى.

ايتا كەتەيىك، بۇگىن ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا ق ر پرەزيدەنتى اكىمشىلىگى باسشىسىنىڭ ورىنباسارى ماۋلەن اشىمبايەۆ پرەزيدەنتتىك جاستار كادر رەزەرۆىنە ەنگەن 300 قازاقستاندىقتىڭ انىقتالعانىن جاريا ەتتى.

اۆتور: قانات مامەتقازى ۇلى