رەفورمالار تۇراقتى دامۋعا باستايتىن قادام بولۋى شارت - توقايەۆ
بۇل تۋرالى بۇگىن ۇلتتىق قوعامدىق سەنىم كەڭەسىنىڭ ەكىنشى وتىرىسىندا ق ر پرەزيدەنتى قاسىم-جومارت توقايەۆ ايتتى، دەپ حابارلايدى قازاقپارات ءتىلشىسى.
«جەكە كەزدەسۋلەر بارىسىندا كوپتەگەن ماسەلە بويىنشا ناقتى جۇمىستار جاسالدى. سولاردىڭ كوپشىلىگىنە قاتىستى وڭ شەشىم قابىلداندى جانە بارلىعى ۇلتتىق كەڭەس حاتشىلىعىنىڭ باقىلاۋىنا الىندى. الەۋمەتتىك سالاداعى جۇمىستارمەن قاتار ساياسي جۇيەنى رەفورمالاۋ جانە جاڭعىرتۋ ماسەلەسى كوپشىلىكتىڭ نازارىندا»، - دەدى مەملەكەت باسشىسى.
قازاقستان پرەزيدەنتى بيلىك بۇعان قاتىستى سىنداردى ديالوگ ورناتۋعا مۇددەلى ەكەندىگىن ايتتى.
«وسى ورايدا ءبىز ۇلتتىق كەڭەس مۇشەلەرىنىڭ ۇسىنىستارىنان بولەك مەملەكەت تاراپىنان دا تىڭ باستامالار كوتەرىپ جاتىرمىز. بارلىق ۇسىنىستاردى تالقىلاي وتىرىپ، ورتاق پايىمعا كەلەمىز دەپ سەنەمىن. ەڭ باستىسى رەفورمالار ەلدى دۇربەلەڭگە سالاتىن ەمەس، تۇراقتى دامۋعا باستايتىن قادام بولۋى شارت»، - دەدى قاسىم-جومارت توقايەۆ.
