07:16, 25 - قاراشا 2019 | GMT +5
ەرجان ماكسيم پولشادا وتكەن ءان بايقاۋىندا ەكىنشى ورىن الدى
گليۆيتسە. قازاقپارات - پولشادا وتكەن «Junior Eurovision-2019» ءان بايقاۋىندا باق سىناعان قازاقستاندىق ەرجان ماكسيم ەكىنشى ورىن الدى، دەپ حابارلايدى قازاقپارات ءتىلشىسى.
قازىلاردىڭ بەرگەن باعاسى بويىنشا ەرجان ماكسيم ءبىرىنشى ورىن الدى. ال ونلاين داۋىس بەرۋ قورىتىندىسىمەن 79 ۇپاي جينادى. وسىلايشا قازاقستاندىق ءانشى جالپى 227 ۇپايمەن ەكىنشى ورىن بولدى. بايقاۋدىڭ باس جۇلدەسىن 278 ۇپاي جيناعان پولشا وكىلى ۆيكي گابور جەڭىپ الدى.
ەسكە سالساق، ەرجان ماكسيمنىڭ «Junior Eurovision-2019» فينالىندا ونەر كورسەتكەنى تۋرالى حابارلاعان بولاتىنبىز.
