14:16, 06 - قاراشا 2019 | GMT +5
قازاقستاندا قايتادان كۇن سۋىتادى
نۇر-سۇلتان. قازاقپارات - سينوپتيكتەر 7-9- قاراشاعا ارنالعان اۋا رايى بولجامىن جاريالادى، دەپ حابارلايدى قازاقپارات قازگيدرومەتكە سىلتەمە جاساپ.
«رەسەيدىڭ ەۋروپالىق بولىگىنەن جايىققا اتموسفەرالىق اعىندار اكەلگەن تسيكلون ءوتىپ بارادى، سوعان بايلانىستى رەسپۋبليكانىڭ سولتۇستىك جارتىسىندا قايتادان قولايسىز كۇردەلى مەتەورولوگيالىق قۇبىلىستار: جاۋىن- شاشىن، كوكتايعاق، كەي جەرلەردە بۇرقاسىن سوعادى، ەكپىندى باتىس جەلى كۇتىلەدى»، دەلىنگەن حابارلامادا.
ال تسيكلوننىڭ ارتىنان كەلەتىن اركتيكالىق تەڭىز اكۆاتورياسىندا قالىپتاسقان كەزەكتى سۋىق انتيتسيكلون قازاقستاننىڭ باتىس جانە سولتۇستىك وبلىستارىندا كۇننىڭ سۋىتۋىنا سەبەپشى بولادى.
