عابيت مۇسىرەپوۆتىڭ جارى بولعان اكتريسا رايسا مۇحامەدياروۆا ومىردەن ءوتتى

نۇر-سۇلتان. قازاقپارات – كەڭەس وداعىنىڭ ءارى قازاقستاندىق تەاتر جانە كينو ءارتىسى رايسا مۋحامەدياروۆا قايتىس بولدى.

حاباردى ع. مۇسىرەپوۆ اتىنداعى جاسوسپىرىمدەر تەاترىنىڭ وكىلدەرى راستادى. رايسا ءماجيت قىزى مۇحامەدياروۆا 1939 -جىلى 11 -شىلدەدە سەمەي وبلىسى كوكپەكتى اۋىلىندا دۇنيەگە كەلگەن.

قازاق ك س ر جانە قازاقستاننىڭ ەڭبەك سىڭىرگەن ءارتىسى. «مەنىڭ اتىم قوجا»، «پەسنيا زوۆەت»، «ي ۆ شۋتكۋ ي ۆسەرەز»، «ۋ پودنوجيا نايزاتاس»، «ودناجدى ي نا ۆسيۋ جيزن»، «چەلوۆەك-ولەن» فيلمدەرىندە تۇسكەن. 

اقتىق ساپارعا شىعارىپ سالۋ كۇنى مەن ۋاقىتى ءالى بەلگىسىز. الداعى ۋاقىتتا تاعى حابارلايتىن بولامىز.

1964 -جىلى رايسا مۋحامەدياروۆا جازۋشى عابيت مۇسىرەپوۆكە تۇرمىسقا شىققان.

ۆيكيپەدياداعى دەرەك بويىنشا جارى - ۇلى جازۋشى، ەڭبەك ەرى، حالىق جازۋشىسى عابيت مۇسىرەپوۆ. قىزدارى - مۇسىرەپوۆا گاۋحار عابيت قىزى (1965 -جىلى تۋعان). مۇسىرەپوۆا گۇلنار عابيت قىزى (1966 -جىلى تۋعان) دەپ جازىلعان.