استانا اكىمدىگى بالكونى «قيسايعان» كوپقاباتتى ءۇي تۋرالى پىكىر ءبىلدىردى

نۇر- سۇلتان. قازاقپارات - ەلوردادا بالكونى قيسايعان تۇرعىن ءۇي رەسمي تۇردە پايدالانۋعا بەرىلمەگەن جانە وعان تۇرعىنداردى زاڭسىز ورنالاستىرعان.

 بۇل تۋرالى ەلوردالىق قالالىق ورتا ساپاسى جانە باقىلاۋ باسقارماسى باسشىسىنىڭ ورىنباسارى داۋلەت دوسقۇلوۆ ايتىپ بەردى، دەپ حابارلايدى قازاقپارات ءتىلشىسى.

«وربيتا» تۇرعىن ءۇي كەشەنى پروبلەمالىق نىسان سانالادى، ونى «تامىز ينۆەست گرۋپ» ا ق تۇرعىزعان. بۇل ۇيىمنىڭ باسشىلارى ق ر ءى ءى م جۇرگىزگەن قىلمىستىق ءىس بويىنشا 11 جىلعا باس بوستاندىعىنان ايىرىلعان»، - دەدى د. دوسقۇلوۆ قالالىق اكىمدىكتە بەرگەن سۇحباتىندا.

ونىڭ ايتۋىنشا، ءۇي پايدالانۋعا بەرىلمەسە دە، ءۇي سالۋشىلار 6 جىل بۇرىن تۇرعىنداردى زاڭسىز ورنالاستىرعان.

«اكىمدىكتىڭ ۇلەسكەرلەر ماسەلەسىن شەشۋ بويىنشا شارالار جوسپارى بار. ونىڭ اياسىندا ءۇيدىڭ كونسترۋكتسياسىنى نىعايتۋ، قاسبەتىن اۋىستىرۋ جانە رەسمي تۇردە پايدالانۋعا بەرۋ كوزدەلگەن»، - دەدى داۋلەت دوسقۇلوۆ.

ەسكە سالا كەتسەك، «وربيتا» تۇرعىن ءۇي كەشەنى پاتەرلەردىڭ بىرىندە بالكون ورنىنان «جىلجىپ» كەتىپ، ەدەن دىرىلدەگەن. قالالىق اكىمدىكتىڭ حابارلاۋىنشا، ولار پروبلەمالى تۇرعىن ءۇي تۋرالى بىلەدى. قازىرگى ۋاقىتتا ول جاقتا تەحنيكالىق تەكسەرۋ جۇرگىزىلىپ جاتىر، ودان كەيىن ءۇيدىڭ اپاتتىق دەڭگەيى انىقتالادى.

اۆتور: ايجان سەرىكجان قىزى