ەڭبەك تۋرالى شىعىس عۇلامالارىنىڭ وي ورامدارى
نۇر-سۇلتان. قازاقپارات - ومىردەگى جەتىستىگىڭ، ماقساتقا جەتۋ مەن وتباسىڭدى اسىراۋ، بارلىعى- بارلىعى ەڭبەك ارقىلى كەلەدى.
بالانى كىشكەنتايىنان ەڭبەككە باۋلۋدىڭ دا پايداسى زور. اتام قازاق ەڭبەك جايلى جاس جەتكىنشەككە ءار كەز ايتىپ وتىرعان، قۇلاعىنا سىڭىرگەن. مۇنى تىلدىك قورىمىزداعى ماقال- ماتەل مەن تامسىلدەردەن دە اڭعارۋعا بولادى. بۇگىن شىعىس عۇلامالارى ەڭبەك جايلى ايتىپ كەتكەن وي ورامدارىنىڭ ءبىرسىپىراسىن ءتىزىپ شىقپاقپىز. ولاي بولسا، وقي وتىرىڭىزدار.
ەڭبەك ءىزسىز قالمايدى
م. قاشقاري
بوس جۇرمە، بوسقا جۇگىرمە
ج. بالاساعۇني
ەسىك باققانشا - ءناسىپ باق.
ج. بالاساعۇني
ءىستى دەر كەزىندە ورىندا: كەشىككەن ءىس وڭبايدى.
راشيد- ءاد- دين
ەگىلمەي - ونبەس، تىلەمەي - بولماس.
م. قاشقاري
بۇگىنگى ءىستى ەرتەڭگە قالدىرعاننىڭ ءىسى بىتپەيدى
ءابىلعازى
ءار ءىستى ءوز مەزگىلىندە ىستەۋ كەرەك، مەزگىلىمەن ىستەلمەگەن ءىس قۇنتسىز.
بابىر
بەينەت كورمەگەن زەينەت كورمەيدى
س. ساراي
دەم الۋ (تىنىعۋ) ءۇشىن ەڭبەك ەتىپ الۋ كەرەك.
قۇتىپ
نە ىستەسەڭ دە ىقتيات بول
ج. بالاساعۇني
ءجۇرىپ كەتسەڭ - جەتەرسىڭ، تۇرىپ قالساڭ – تىنارسىڭ
س. ساراي
ەرتە تۇرىپ، كەش جات - ۇيقىڭ قانادى، ەرتە تۇرعان ەردىڭ باعى جانادى.
ج. بالاساعۇني
Massaget.kz
