وڭتۇستىك كورەيادا كولىگىمەن بالا قاققان قازاقستاندىققا قاتىستى تەرگەۋ اياقتالدى

نۇر- سۇلتان. قازاقپارات - وڭتۇستىك كورەيادا كىشكەنتاي بالانى كولىگىمەن قاعىپ كەتكەن قازاقستان ازاماتىنا قاتىستى العاشقى سوت وتىرىسى قاراشا ايىنىڭ ورتاسىندا وتەدى.

بۇل تۋرالى ق ر س ءى م رەسي وكىلى ايبەك سمادياروۆ ءمالىم ەتتى، دەپ حابارلايدى قازاقپارات ءتىلشىسى.

«ونىڭ ءىسى بويىنشا تەرگەۋ امالدارى اياقتالدى. ءىس سوتقا جەتتى. العاشقى وتىرىس قاراشا ايىنىڭ ورتاسىنا جوسپارلانىپ وتىر. ەرتەڭ ايىپتالۋشى قازاقستاندىق ازامات ءوزى جالداعان جەكە ادۆوكاتىمەن كەزدەسەدى»، - دەدى ايبەك سمادياروۆ ۆەدومستۆودا وتكەن بريفينگتە.

ايبەك سمادياروۆتىڭ ايتۋىنشا، كولىك قاعىپ كەتكەن بالانىڭ جاعدايى جاقسى.

«بالا ەسىن جيعان. ءوزى ءجۇرىپ ءجۇر. اياق- قولى ساۋ. تەك باسىنا كىشكەنە زاقىم كەلگەن. سونى ەمدەپ جاتىر»، - دەدى ول.

ەسكە سالا كەتسەك، 16 - قازان كۇنى قازاقستاندىق ازامات وڭتۇستىك كورەيادا كىشكەنتاي بالانى كولىگىمەن قاعىپ، ەلدەن كەتىپ قالعان. ول بۇل مەملەكەتتە ءبىر جىلدام استام ۋاقىت بويى زاڭسىز تۇرىپ كەلگەن ەدى. بۇگىنگى تاڭدا ول چانۆون قالاسىنداعى تەرگەۋ يزولياتورىندا جاتىر.

سونداي- اق، وڭتۇستىك كورەيادا كولىگىمەن بالا قاققان قازاقستاندىققا بىرنەشە ايىپ تاعىلعان بولاتىن.

اۆتور ايان بەكەن ۇلى