قازاقستاندا ءاربىر سەكۋندتا قانشا شاقالاق دۇنيەگە كەلىپ، قانشا ادام كوز جۇمادى؟
ق ر ۇلتتىق ەكونوميكا مينيسترلىگى ستاتيستيكا كوميتەتىنىڭ رەسمي سايتىندا حالىق سانىنىڭ ونلاين-ەسەپتەگىشى ورناتىلعان. وندا دۇنيەگە كەلگەن، كوز جۇمعان جانە باسقا دا جاعدايلار بويىنشا ەلىمىزدەگى حالىق سانىنىڭ ارتقانى، نە كەمي تۇسكەنى ءار سەكۋند سايىن وزگەرىپ وتىرادى. ماسەلەن، 4- قاراشا، ساعات 00:02 دەگى مالىمەتتەرگە سايكەس، قازاقستان حالقىنىڭ سانى 18 ميلليون 587 مىڭ 186 ادامدى قۇرادى. ونىڭ ىشىندە ەرلەردىڭ سانى - 9 ميلليون 7 مىڭ 654، ايەلدەر - 9 ميلليون 579 مىڭ 532 ادام.
سونداي-اق دەموگرافيالىق وقيعالاردىڭ جيىلىگىنە قاتىستى اقپاراتتار ۇسىنىلعان. ماسەلەن، سوڭعى ءبىر ايدا ءاربىر 85 سەكۋندتا ەلىمىزدە 1 نارەستە ءتىرى تۋىلدى، ءاربىر 241 سەكۋندا 1 ادام ءولدى، ءاربىر 1965 سەكۋندتا 1 ادام ەلگە كەلگەن (يمميگرانت)، ءاربىر 802 سەكۋندتا 1 ادام ەلدەن شىققان (ەميگرانت).
ايتا كەتسەك، جىل باسىندا ەل حالقىنىڭ سانى 18 ميلليون 392 مىڭ 960 ادامدى قۇرادى. 2019-جىلدىڭ قاڭتارىنان وسى تاۋلىككە دەيىن قازاقستاندا 327 مىڭ 732 شاقالاق ءتىرى تۋىلدى، 112 مىڭ 755 ادام كوز جۇمدى، يمميگرانتتار - 11 مىڭ 444، ەميگرانتتار - 32 مىڭ 196، جالپى ءوسىم 194 مىڭ 225 ادامدى قۇرادى.
4- قاراشا باستالعان بىرەر مينۋتتا ەلىمىزدە 3 ءسابي ءتىرى تۋىلىپ، 1 ادام باقيلىق بولدى، جالپى ءوسىم 2 ادامدى قۇرادى.
