الماتىدا «قازاق حانىمى» حالىقارالىق بايقاۋىنىڭ فينالى وتەدى

الماتى. قازاقپارات - الماتىدا «قازاق حانىمى» حالىقارالىق بايقاۋىنىڭ فينالى وتەدى، دەپ حابارلايدى قازاقپارات.

«قازاق حانىمى» حالىقارالىق بايقاۋىنىڭ جارتىلاي فينالىنان وتكەن حانىمدار 3 - قاراشا كۇنى فينالدا باق سىنايدى.

شارا بارىسىندا «قازاق حانىمى» جوباسىنا قاتىسۋشىلارى، اتاپ ايتقاندا، ەلىمىزدىڭ تۇكپىر- تۇكپىرىنەن كەلگەن 20 كەلىنشەك جانە قىتاي، قىرعىزستان، موڭعوليا ەلدەرىنەن كەلگەن قاتىسۋشىلار قازاقتىڭ سالت- ءداستۇرى مەن سالت- ساناسى بويىنشا سايىسقا قاتىسادى.

بۇل سايىستىڭ باستى ماقساتى - قازاقتىڭ حانىمى اتىنا لايىق قازاق ايەلىن انىقتاۋ. ەلىنىڭ دە، ەرىنىڭ دە ابىرويى ءۇشىن بارىن سالىپ جۇرگەن قازاقتىڭ قاراپايىم، كوپ بالالى ايەلدەرىن ناسيحاتتاۋ ءبىزدىڭ باستى مىندەتىمىز.

قازىلار القاسىنىڭ قۇرامىنا زەينەپ احمەتوۆا، ىرزا تۇرسىنزادا، تولقىن زابيروۆا، باقىتبەك سماعۇلوۆ سىندى تانىمال تۇلعالار كىرگەن.

جارىستىڭ باس جۇلدەسى 10000000 تەڭگە.