مانيكيۋر، بەت ارلەۋ، شاش الۋ: ەلوردالىق زەينەتكەرلەرگە تەگىن قىزمەت كورسەتىلدى
بۇل تۋرالى قازاقپارات ەلوردا اكىمدىگىنە سىلتەمە جاساپ حابارلايدى.
«نۇر- سۇلتان قالاسى اكىمدىگىنە قاراستى جۇمىسپەن قامتۋ ورتالىعىنىڭ قىزمەتكەرلەرى «ەڭبەك» مەملەكەتتىك باعدارلاماسىنىڭ قىسقا كۋرستارىنا قاتىسۋشىلارىمەن بىرلەسىپ اتالعان ورتالىقتا تەگىن مانيكيۋر، شاش الۋ، بەتتى ارلەۋ قىزمەتتەرىن تەگىن كورسەتتى. شارانىڭ ماقساتى - قارتتارعا الەۋمەتتىك قولداۋ كورسەتىپ، ولاردىڭ كۇتىمىنە قولعابىس ەتۋ. ورتالىقتا تۇرىپ جاتقان زەينەتكەرلەر مۇنداي جاستا وزدەرىنە كۇتىم جاساۋ وڭاي ەمەس ەكەنىن ايتتى. العاشقىدا ازداپ قىسىلسا، كەيىننەن ءبىر قىزمەتتى العاننان كەيىن، شەبەرلەردىڭ باسقا دا قىزمەتتەرىن الۋعا قىزىعۋشىلىق ءبىلدىردى»، - دەدى اكىمدىكتەن.
«شاراپات» الەۋمەتتىك قىزمەت كورسەتۋ ورتالىعى جۇمىسىن 1989 -جىلى باستاعان. بۇگىنگى كۇنى وندا زەينەت جاسىنداعى، 1 جانە Ⅱتوپ مۇگەدەكتەرى، ءۇيسىز، سونداي- اق كۇتىمدى قاجەت ەتەتىن ازاماتتار تۇرىپ، ارنايى الەۋمەتتىك قىزمەت الادى. مەكەمەنىڭ جۇمىسى ورتالىقتا تۇراتىن جانە ءتۇرلى الەۋمەتتىك ارنايى قىزمەتتى الاتىن ازاماتتاردىڭ بارلىق قاجەتتىلىكتەرىن تولىقتاي قاناعاتتاندىرۋعا باعىتتالعان.
