ارنايى وپەراتسيا: الماتىدا ەر ادامنان قارۋ-جاراق تابىلدى

الماتى. قازاقپارات - الماتىنىڭ مەدەۋ اۋدانىندا قارۋ-جاراق ساقتاعان ەر ادامدى ۇستاۋ بويىنشا ارنايى وپەراتسيا وتكىزىلدى، دەپ حابارلايدى قازاقپارات ءتىلشىسى.

«پوليتسيا نازارىنا «دۋمان» شاعىن اۋدانىندا تۇراتىن 27 جاستاعى جىگىت ءىلىندى. ول ادامداردى بوپسالاعانى ءۇشىن بۇعان دەيىن دە ءىستى بولعان. ءتىنتۋ بارىسىندا قالتاسىنان پىشاق تابىلدى. سونىمەن قاتار، كۇدىكتىنىڭ «Audі» كولىگىنەن 12 كاليبرلى ەكى شولاق مىلتىق، تەگىس ۇڭعىلى مىلتىق، كارابين، 15 وق-ءدارى تابىلدى. تاركىلەنگەن قارۋ-جاراق بالليستيكالىق ساراپتاماعا جىبەرىلدى. ساراپتامالىق تەكسەرۋدەن سوڭ قۇرالداردىڭ قاي جەردە شىعارىلعانى، يەسى كىم ەكەندىگى، قىلمىسقا قولدانىلعانى نەمەسە قولدانىلماعانى انىقتالادى»، - دەدى قالالىق پوليتسيا دەپارتامەنتى قىلمىستىق پوليتسيا باسقارماسىنىڭ باسشىسى جانبولات زيادين.

بۇل دەرەك ق ر ق ك- ءنىڭ 287-بابى 3-بولىگى بويىنشا سوتقا دەيىنگى ءبىرىڭعاي تەرگەۋ رەسترىنە تىركەلدى. كۇدىكتى ۋاقىتشا ۇستاۋ وقشاۋلاعىشىنا جەتكىزىلدى.