قار، كوكتايعاق، تۇمان: بەيسەنبىگە ارنالعان اۋا رايى بولجامى

رەسەيدىڭ ەۋروپالىق تەرريتورياسىندا ورنالاسقان تسيكلوننان اتموسفەرالىق فرونتتاردىڭ كەلۋىنە بايلانىستى قازاقستان اۋماعىنىڭ باسىم بولىگىندە تۇراقسىز اۋا رايى ساقتالادى. كەي جەرلەردە جاۋىن-شاشىن بولادى. جاڭبىر، قار جاۋادى. كەي وڭىرلەردە جەل كۇشەيىپ، تۇمان تۇسەدى. سولتۇستىك اۋدانداردا كوكتايعاق بولسا، وڭتۇستىكتە نايزاعاي كۇتىلەدى.

باتىس قازاقستان وبلىسىندا جەل 15-20 م/س دەيىن كۇشەيەدى.

قوستاناي، سولتۇستىك قازاقستان وبلىستارىنىڭ كەي جەرلەرىنە تۇمان ءتۇسىپ، كوكتايعاق بولادى. جەل ەكپىنى 15-20 م/س جەتەدى.

اقمولا وبلىسىنىڭ كەي جەرلەرىندە تۇمان تۇسەدى، كوكتايعاق كۇتىلەدى. كۇندىز جەل قارقىنى - 15-20 م/س.

جامبىل، اقتوبە وبلىستارىنىڭ كەي جەرلەرىندە تۇمان تۇسەدى، جەل جىلدامدىعى سەكۋندىنا 15-20 مەترگە دەيىن كۇشەيەدى.

اتىراۋ وبلىسىنىڭ كەي جەرلەرىندە تۇمان كۇتىلەدى. كۇندىز جەلدىڭ كۇشى - 15-20 م/س.

تۇندە جانە تاڭەرتەڭ پاۆلودار، قاراعاندى وبلىستارىنىڭ كەي جەرلەرىنە تۇمان تۇسەدى. كۇندىز كەي جەرلەردە جەل ەكپىنى 15-20 م/س دەيىن جەتەدى.

تۇركىستان، ماڭعىستاۋ وبلىستارىندا، تاڭەرتەڭ جانە كۇندىز قىزىلوردا، كۇندىز شىعىس قازاقستان وبلىستارىنىڭ كەي جەرلەرىندە جەل قارقىنى 15-20 م/س دەيىن كۇشەيەدى.

تۇندە الماتى وبلىسىنىڭ جالاڭاشكول اۋدانىندا جەل سەكۋندىنا 15-20 مەتر جىلدامدىقپەن ەسەدى.