ءۇندىستاندا ءپىل بەس ادامدى تاپتاپ ءولتىردى
نۇر- سۇلتان. قازاقپارات - ءۇندىستاننىڭ سولتۇستىك- شىعىسىندا اسسام شتاتىندا ءپىل ءتورت ەرەسەك ادام مەن ءبىر بالانى تاپتاپ ولتىرگەن. بۇل تۋرالى سارسەنبى كۇنى Hindustan Times گازەتى حابارلادى.
«بەس ادام قازا تاپتى. ولار جولدا كەزدەسكەننىڭ بارىنە شابۋىلداعان ءپىلدىڭ قۇربانى بولعان»، - دەپ مالىمدەدى وكرۋگ باسشىسى.
ونىڭ ايتۋىنشا، بيلىك جانۋاردى ىزدەپ، ونى ۇيىقتاتۋ ءۇشىن ارنايى كوماندا جىبەرگەن. شتاتتىڭ ۇكىمەتى شابۋىل قۇرباندارىنىڭ وتباسىنا $5,6 مىڭ كولەمىندە وتەماقى ءبولدى.
2010 -جىلدان بەرى اسسام شتاتىندا 761 ادام پىلدەردىڭ شابۋىلىنان مەرت بولعان.
