جازاسىن وتەپ شىققانداردىڭ قىلمىسقا قايتا بارۋى ازايدى

ق ر ءى ءى م قىلمىستىق- اتقارۋ جۇيەسى كوميتەتىنىڭ اقپاراتىنا سۇيەنسەك، قىلمىستاردىڭ قايتا جاسالۋىنا كوبىنەسە جازاسىن وتەپ شىققانداردىڭ ادال جولعا ءتۇسۋ نيەتىنىڭ بولماۋى، جۇمىسسىزدىق جانە ىشىمدىك ءىشۋى سەبەپ بولىپ جاتادى.

«قىلمىستىڭ قايتادان جاسالۋىنا الەۋمەتتىك- تۇرمىستىق احۋال سەبەپ بولاتىنى بەلگىلى. سوندىقتان، ولاردىڭ ەڭ قاجەتتى ماسەلەلەرىن شەشۋدە كۇش جۇمىلدىرىلادى. ەڭ الدىمەن، ولارعا الەۋمەتتىك- قۇقىقتىق كومەك كورسەتىلەدى. ول كومەك سوتتالعان ادامدى الەۋمەتتىك تۇرعىدا قوعامعا قايتا بەيىمدەۋگە باعىتتالعان. 2019 -جىلدىڭ باسىنان بەرى 50 مىڭ سوتتالعان ازامات الەۋمەتتىك- قۇقىقتىق كومەك الدى»، - دەپ ءمالىم ەتتى ق ر ءى ءى م ق ا ج ك ءتوراعاسىنىڭ ورىنباسارى مەيرام ايۋبايەۆ بۇگىن الماتىدا وتكەن «II ورتالىق ازيا ديالوگى: تۇرمەدەگى حالىق سانىن ازايتۋ جانە پروباتسيا قىزمەتىن دامىتۋ» تاقىرىبىنداعى كونفەرەنسيادا.

ناقتىراق ايتقاندا، پروباتسيا قىزمەتىنىڭ ماماندارىنىڭ ارقاسىندا ەسەپتە تۇرعان 7,5 مىڭ ادام جۇمىسقا ورنالاستىرىلىپ، 11 مىڭ ادامنىڭ ەم-دومى بويىنشا كومەك كورسەتىلگەن. تاعى 30 مىڭ ادامعا پسيحولوگيالىق جاردەم بەرىلسە، 130 سوتتالعان ازامات ءبىلىم الىپ، قوعامعا بەيىمدەلىپ كەلەدى.

اۆتور: ايان بەكەن ۇلى