مەملەكەتتىك قىزمەتكەر جۋرناليستەرگە سۇحبات بەرگەندە نەنى ءبىلۋى كەرەك؟

ونىڭ اۆتورى گاننا كراسيلنيكوۆا جۋرناليستەرمەن جۇمىس ىستەۋدەگى بولەننىڭ، دەۆيد نيۋسوننىڭ، كەنت وبيدىڭ ەرەجەلەرىن ۇسىنادى. باسپاسوزبەن قارىم- قاتىناس جاساۋداعى بولەننىڭ 7 ەرەجەسى

1. باسپاسوزگە بايىپپەن قاراڭىز. ولار - كاسىبي ماماندار جانە ولارعا كاسىبي ادام رەتىندە قارىم- قاتىناس جاساۋ كەرەك.

2. باسپاسوزگە ەشقاشان وتىرىك ايتپاڭىز. ەگەر جالعان سويلەگەن بولساڭىز، وتىرىكتىڭ سالدارى اۋىر بولۋى مۇمكىن.

3. باسپاسوزگە بارلىعىن جايىپ سالۋ مىندەتتى ەمەس.

4. «ال ەگەر...؟» دەگەن سياقتى گيپوتەزالىق سۇراقتارعا ەشقاشان جاۋاپ بەرمەڭىز. 5. ءالى دە تالقىلانىپ جاتقان ماسەلەگە پىكىر بىلدىرمەڭىز.

6. بىرەۋگە جالا جاپپاڭىز.

7. ەگەر سۇراققا جاۋاپ بەرە الماساڭىز، «بىلمەيمىن» دەپ ايتۋعا قورىقپاڭىز. كەيىن سۇراقتىڭ جاۋابىن تاۋىپ، جۋرناليسكە جەدەل جىبەرۋدى ۇمىتپاڭىز.

بولەننىڭ ەرەجەسىنە دەۆيد نيۋسوننىڭ قوسىمشاسى

• جۋرناليست الدىندا بەدەلگە يە بولامىن دەپ ءوز مەملەكەتىڭىزدىڭ/مەكەمەڭىزدىڭ ساياساتىن عايباتتاماڭىز

• ءوز مەكەمەڭىزدىڭ رەسمي وكىلى ەكەنىڭىزدى ەشقاشان ۇمىتپاڭىز.

• ءبىر جۋرناليسكە ايتا المايتىنىڭىزدى باسقاسىنا ايتپاڭىز.

بولەن ەرەجەسىنەن تۋىنداعان كەنت وبي ەرەجەسى

1. ەگەر جاعىمسىز جاڭالىقتى حابارلاۋ كەرەك بولسا، ونى بىردەن ءوزىڭىز جانە جەدەل حابارلاڭىز. 2. ەگەر جاڭالىقتى ءوزىڭىز حابارلاساڭىز، جاۋاپكەرشىلىكتى وزىڭىزگە الاسىز جانە نەگاتيۆ اقپاراتتى وڭ اقپارات رەتىندە جەتكىزەتىن مۇمكىندىككە يە بولاسىز.

3. ەگەر جاعىمسىز جاڭالىقتى بىردەن حابارلاساڭىز، ونىڭ عۇمىرى قىسقا بولادى.

جۋرناليست قولداناتىن تاكتيكالاردى ءبىلىپ ءجۇرىڭىز

• كۇتپەگەن سۇراق قويۋ.

• «يىنتىرەك» ءادىسى - اقپارات تۋرالى كوپ بىلەتىندىگىن ءبىلدىرۋ ءۇشىن اقپاراتتىڭ كىشكەنتاي بولىگىن قولدانۋ.

• «بەكحاند» - ءبىر رەسمي وكىلدەن اقپارات الۋ ءۇشىن وزگە ءبىر رەسمي وكىلدىڭ پىكىرىن، اقپاراتىن قولدانۋ.

• « قىزىل مايشاباق» ءادىسى - ءسىز ماڭىزدى پروبلەماعا پىكىر ءبىلدىرسىن دەپ وقيعاعا/يدەياعا قاتىسى بار وزگە نارسەنى سۇراۋ.

• ۇندەمەۋ (ءسىز ۇنسىزدىكتى بۇزىپ، تاعى دا سويلەي بەرۋىڭىز كەرەك).

• ءسىزدىڭ «ەگوڭىزعا» اسەر ەتۋ («ءسىز - بۇل پروبلەمانى بەس ساۋساعىڭىزداي بىلەتىن ادامسىز، مىنا سۇراققا دا جاۋابىڭىز بولۋى كەرەك...»)

• قورقىتۋ («ەگەر ءسىز بۇل سۇراققا جاۋاپ بەرە الماساڭىز، ءوز جۇمىسىڭىزدى دۇرىس ورىنداي الماي تۇرعانىڭىز. مەن ءسىزدىڭ باستىعىڭىزبەن سويلەسۋىم كەرەك...»).

Massaget.kz