ءجۇرسىن ەرمان ءوز كوڭىلىنەن شىقپاعان اقىندار ساحناعا دا شىقپايتىنىن جايىپ سالدى

اقىن جاس تالانتتاردى ەل الدىنا شىعارماس بۇرىن، الدىمەن ءوز سارالاۋىنان وتكىزەتىنىن جاسىرمادى دەپ جازادى «قاراقاتپەن شاي» باعدارلاماسىنا سىلتەمە جاساعان KAZ. NUR. KZ.

ءجۇرسىن ەرمان جاس اقىنداردى ونەر ساحناسىنا ىرىكتەپ، تاڭداپ الۋىنىڭ سەبەبىن ءتۇسىندىرىپ بەردى.

ونىڭ سوزىنشە، كوپتەگەن ونەرپازدار ايتىس تالاپتارىنا ساي بولماي جاتادى.

«مەنىڭ كوڭىلىمنەن شىقپاعاندار ساحناعا شىقپايتىنى راس. ونى مويىنداۋ كەرەك. ويتكەنى، مەن وسى كۇنگە دەيىن بىردە-ءبىر اقىندى ءوزىم جەكە كورىپ، تىڭداپ، سىنعا سالىپ، سىناقتان وتكىزىپ بارىپ ساحناعا شىعارامىن. مەن ونەر مەن حالتۋرانىڭ اراسىنداعى شەكەراشى سياقتىمىن. سەبەبى، حالىقتىڭ الدىنا شىققان اقىن، كوپتىڭ ويىنان شىعۋ كەرەك، كوپتىڭ كۇتكەن ءسوزىن ايتا ءبىلۋ كەرەك.

ول كوركەمدىك شەبەرلىكتى مەڭگەرۋ كەرەك. ايتىستىڭ ءتۇرلى امال-تاسىلدەرىن جەتىك ءبىلۋ كەرەك. تولىق بىلمەسە دە، سول تالاپقا سايكەس بولۋ كەرەك. كورمەگەن اقىندى ساحناعا شىعارمايتىنىم ارقىلى «ءجۇرسىننىڭ كوڭىلىنەن شىقپاعاندار ساحناعا شىقپايدى» دەگەن راس بولۋ كەرەك.

مەن حالىقتىڭ الدىندا جاۋاپ بەرۋىم كەرەك قوي. مەنىڭ بەتىم قىزارماۋ كەرەك قوي. ۇياتقا قالماۋىم قاجەت. مەنىڭ باپتاپ اكەلگەن اقىندارىم حالىقتىڭ ويىنان شىقپاي جاتسا، ايتىستىڭ ءمانى بولا ما» ، - دەيدى اقىن.