قازاقستاندا قىس قانداي بولادى

«بيىل قاراشا ايىندا ەلىمىزدە اۋا تەمپەراتۋراسى كليماتتىق نورمادان 1 گرادۋس جوعارى بولماق. تەك ەلىمىزدىڭ باتىسى مەن شىعىسىندا اۋا تەمپەراتۋراسى نورماعا سايكەس بولادى. رەسپۋبليكامىزدىڭ باسىم بولىگىندە ءبىر ايعا جۋىق كولەمىندەگى جاۋىن- شاشىن مولشەرى نورماعا سايكەس بولسا، وڭتۇستىك قازاقستاننىڭ شەت جاعىندا نورمادان اسادى. ال وڭتۇستىك- باتىسىندا نورمادان تومەن بولادى»، - دەدى «قازگيدرومەت» باسشىسى.

اتاپ وتىلگەندەي، قىستىڭ العاشقى ەكى ايى - جەلتوقسان مەن قاڭتاردا اۋا رايى سالىستىرمالى تۇردە جىلى بولادى.

«اۋا تەمپەراتۋراسى كليماتتىق نورمادان 3-5 گرادۋسقا تومەن كۇندەر دە بولادى. جەلتوقسان ايى جاۋىن- شاشىندى بولاتىنى كۇتىلسە، اقپان ايىندا ەلىمىزدىڭ باسىم بولىگىندە كليماتتىق نورمادان 1-2 گرادۋسقا تومەن تەمپەراتۋرا ورنايدى»، - دەيدى ول.

اقپان ايىندا ەلىمىزدىڭ وڭتۇستىك- باتىس بولىگىندە جاۋىن- شاشىن از تۇسەدى، ال سولتۇستىك- شىعىستا ونىڭ مولشەرى - نورماعا ساي.

م. شميدتىڭ ايتۋىنشا، قاراشا ايىندا سينوپتيكالىق قۇبىلىستاردىڭ ارالاسۋى بولماسا قار، جەل، كوكتايعاق كۇتۋگە بولادى.

«بيىل قىس مەزگىلى سالىستىرمالى تۇردە - جىلى. اقپان ايىندا عانا اۋا تەمپەراتۋراسى نورمادان 1-2 گرادۋس تومەن بولۋى مۇمكىن»، - دەيدى «قازگيدرومەت» ر م ك باسشىسى.

اۆتور: زارينا قاھارمان