ۇلتتىق ۇلاننىڭ لاۋازىمدى تۇلعالارى پارا العانى ءۇشىن سوتتالدى
بۇل تۋرالى قازاقپارات اگەنتتىكتىڭ باسپا ءسوز قىزمەتىنە سىلتەمە جاساپ حابارلايدى.
«باتىس قازاقستان وبلىسىنىڭ سىبايلاس جەمقورلىققا قارسى قىزمەتى ق ر ۇلتتىق ۇلانىنىڭ «5517 اسكەري ءبولىمى» ر م م ءبولىم كومانديرىنىڭ تىل جونىندەگى ورىنباسارى مايور ج. م. وماروۆقا جانە اتالعان ر م م-نىڭ كيىم- كەشەك قىزمەتى ءبولىمىنىڭ باستىعى لەيتەنانت ت. ب. قىدىروۆقا قاتىستى پارا الۋ فاكتىسى بويىنشا سوتقا دەيىنگى تەرگەۋدى اياقتادى. ولار جەكە كومپانيا ديرەكتورىنان ورىندالعان جۇمىستار اكتىلەرىنە كەدەرگىسىز قول قويعانى جانە الداعى ۋاقىتتا دا كورسەتەتىن كومەگى ءۇشىن 300 مىڭ تەڭگە كولەمىندە پارا الدى دەگەن كۇدىككە ىلىنگەن بولاتىن»، - دەلىنگەن حابارلامادا.
اعىمداعى جىلدىڭ 7 -قازانىندا اقتوبە گارنيزونى اسكەري سوتىنىڭ ۇكىمىمەن وماروۆ پارا العانى ءۇشىن كىنالى دەپ تانىلىپ، 7 جىل 2 اي مەرزىمگە باس بوستاندىعىنان ايىرىلدى. ال قىدىروۆقا 6 ميلليون تەڭگە سوماسىندا ايىپپۇل تولەۋ جازاسى بەلگىلەندى.
سوتتالعاندار مەملەكەتتىك قىزمەتتە قىزمەت اتقارۋ قۇقىعىنان، سونداي-اق اسكەري اتاقتارىنان ءومىر بويىنا ايىرىلدى.
