مۇنداي ەر ادامدار وتە سيرەك كەزدەسەدى

 بۇل ەر ادامنىڭ ءوزى تاڭداعان اسىل مۇراتى. سول شەكتەن اسىپ كەتسە، ەر ادام ءوزى- اق رۋحاني قۇلدىراۋعا ۇشىرايدى. مۇنداي ازامات ءۇشىن وپاسىزدىق وسالدىق پەن ناستىق بوپ سانالادى. مۇنداي ەر ادامدار وتە سيرەك كەزدەسەدى.

ولەگ روي

 - ايەلدەر ەر ازاماتتىڭ قاي مىنەزىن جاقسى كورەتىنىن بىلەسىڭ بە؟

 - جوق.

 - ارەكەتشىلدىگىن. ايەل زاتى بولمىسىنان تىنىشتىق پەن بەرەكەگە بەيىم. سوندىقتان ولار ۇنەمى ىزدەنىستە جۇرەتىن، جاڭا مۇمكىندىكتەرگە جول اشاتىن ادامعا مۇقتاج.

 رينات ۆاليۋللين

 جاقسى ادامدارمەن اڭگىمەلەسۋگە ۋاقىت تاۋىپ تۇرۋ كەرەك. ۋاقىتتى ارنايى بولمەسەڭ، ول وزدىگىنەن تابىلمايدى. ۋاقىت دەگەن سونداي ەرەكشە قۇبىلىس. ول ۇنەمى كۇندەلىكتى كۇيبەڭ، جۇمىس، ۇساق- تۇيەككە جۇمسالادى. ۋاقىت - ماڭگىلىك. ال ادامدار ماڭگىلىك ەمەس. سوندىقتان ۋاقىتتى سوزىپ، سەن ءۇشىن قىمبات ادامدارعا ءبولىپ ۇيرەن. حابارلاسپاي كەتكەن جانعا قوڭىراۋ شال. قالىن سۇرا. ۋاقىت تاۋىپ، قۇربىڭمەن جارتى ساعات ساياباقتا سەرۋەندە. جۇمىستان كەيىن اعاڭدى، نە ءسىڭلىڭدى وڭاشا كوفە ىشۋگە اپار. مۇنداي ساتتەر ماڭىزدى ەمەس بوپ كورىنەدى. ال شىن مانىندە ءدال وسى مەيىرىم ەڭ عاجاپ ساتتەر بوپ ەستە قالادى.

 اننا وستروۆسكايا

 كەيبىر ايەلدەر ەشتەڭەدەن قورىقپايدى. ۇناماي قالام- اۋ دەپ قورىقپايدى. ساي بولماي قالاتىنىنا الاڭدامايدى. بىلمەي قالام- اۋ. ۇلگەرمەيمىن- اۋ. قايتىپ سۇراسام با ەكەن دەپ ويلانبايدى. ءتۇرى ونشا ەمەس بولعانىنا دا الاڭدامايدى. ولار ءومىرىن بوس وتكىزبەيدى. ءتۇزۋ جولدان تايىپ كەتۋدەن قورىقپايدى. قيسىق جولعا تۇسسە دە اداسپايدى. سۇلۋلىق دەگەن جان- دۇنيەدەن باستالاتىنىن بىلەدى. ءتۇپسىز تەڭىزگە باتىپ كەتۋدەن قورىقپايدى. تالايدان بەرى تۇڭعيىقتا ءومىر ءسۇرىپ كەلەدى. جىلاۋعا ۇيالمايدى. مەيلى قۋانىشتان، مەيلى قايعىدان بولسىن. قۋانىشقا دا، قايعىعا دا كۇلە بىلەدى.

ولار اجىمنەن قورىقپايدى. ءبىرىنشى رەت ءتۇسىپ تۇرعان ءاجىم ەمەس. قازىرگى ءاجىمنىڭ ءبارى تەك كۇلكىدەن تۇسەدى. ەل نە ويلايدى دەپ قام جەمەيدى. ولارعا تاماق گليۋتەنمەن بە، الدە گليۋتەنسىز بە، ءبارىبىر. ولار قالاعانىن جەيدى. تۇندە جەۋدەن دە قورىقپايدى. سول ءۇشىن قىسىلمايدى دا.

تەمەكى تارتۋ مەن ىشىمدىك ءىشۋ - زيان ەمەسىن بىلەدى. دەم الماۋ - زيان. تىنىس العىڭ كەلمەۋ - قورقىنىشتى. ولارعا ءبارىبىر. ول 18-30 نە 21-00 كەلە مە، الاڭدامايدى. ول سۇيسە، كەلەدى. سۇيسە، اسىعار. باستىسى، ول - بار! ولار جالعىز قالۋدان دا قورىقپايدى. ءوزىن كوزگە ىلمەگەندەردى بايقاماۋدى بىلەدى. كەرى تەبىلگەننەن تەبىلەدى.

 ولاردىڭ ايتارى بار. ايتپايتىنى دا بارشىلىق. نە تۋرالى دۇعا جاسايتىنىن دا بىلەدى. ءبارىن شىن نيەتىمەن جاسايدى. اقىماق بوپ كورىنۋدەن قورىقپايدى. تولىق بولىپ كورىنۋدەن دە. ارىق بولۋدان. ولار بىرەۋگە ۇقساۋعا تالپىنبايدى. ولار اشىق- جارقىن. سۇيگەن ىسىمەن اينالىسادى. ءوزىن سۇيگەندى سۇيەدى. ءبىر جاستىققا تەك ۇيقى بەرمەيتىن اداممەن جاتادى.

كوزىنە ۇيقى تىعىلىپ تۇرسا دا. شىندىقتى بەتكە ايتۋدان قورىقپايدى. ۋايىمدامايدى. تىنىشتىقتى تىڭداۋدى بىلەدى. ولار ۋاقىتىن باعالايدى. تاڭىن. كۇندىزىن. ءتۇنىن. ولاردىڭ قولى بوس ەمەس. ءاردايىم ءوز ىسىمەن اينالىسادى. ءوزىن قۇرمەتتەيدى. ەشتەڭەدەن قورىقپايدى.

اگلايا داتەشيدزە

 اۋدارعان: شىنار ءابىلدا

Massaget.kz