سوزاقتا قىزىل كىتاپقا ەنگەن قۇستاردى اۋلاعان تۇرعىن ۇستالدى

تەرگەۋ بارىسىندا كۇدىكتىنىڭ سيرەك كەزدەسەتىن قۇستاردى ەكى سىبايلاسىمەن بىرگە تۇنگى ۋاقىتتا اۋلاعانى انىقتالدى، دەپ حابارلايدى قازاقپارات ءتىلشىسى.

وبلىستىق پ د باسپا ءسوز قىزمەتىنىڭ مالىمەتىنشە، سوزاق اۋدانىندا تۇراتىن زاڭبۇزۋشى وڭىردە وتكىزىلگەن «ەكولوگيالىق قۇقىق بۇزۋشىلىقتىڭ الدىن الۋ، جولىن كەسۋ جانە انىقتاۋ» اتتى رەيدتىك ءىس-شارا بارىسىندا قولعا تۇسكەن. ونىڭ قىزىل كىتاپقا ەنگەن 42 بۇلدىرىقتى زاڭسىز اۋلاپ، ساقتاپ جۇرگەنى بەلگىلى بولدى. وقيعا ورنىنا ارنايى بارعان ءتارتىپ ساقشىلارى مال جايىلىمىندا وتىراتىن باقتاشىنىڭ قوراسىنان تىركەلمەگەن جارىق سالعىش قۇرىلعى مەن قۇس ۇستاۋعا ارنالعان توردى تاپقان.

ايعاقتى زات رەتىندە تاركىلەنگەن قۇستار زەرتتەۋ ورتالىعىنا جىبەرىلىپ، ساراپتاما جۇمىستارى ولاردىڭ اقباۋىر بۇلدىرىق ەكەنىن راستادى. كەيىننەن كۇدىكتىنىڭ تۇنگى ۋاقىتتا قۇستاردىڭ قونعان جەرىنە جارىق جاعىپ، جارىقتىڭ اسەرىنەن قيمىلسىز قالعان قۇستاردى ۇستاپ وتىرعانى بەلگىلى بولدى. ول الدىن الا جوسپار قۇرىپ، باعالى قۇستاردى ساتپاقشى بولعان.

«قازىرگى تاڭدا كۇدىكتىنىڭ ءبىرى ۇستالىپ، سوزاق ا پ ب- نە جەتكىزىلدى. كىناسىن تولىق مويىنداعان تۇرعىن كەلىپ-كەتۋ تۋرالى مىندەتتەمەمەن بوساتىلدى. ال قالعان 2 كۇدىكتىنى قولعا ءتۇسىرۋ ماقساتىندا جەدەل ىزدەستىرۋ جۇمىستارى ءجۇرىپ جاتىر. اتالعان جايت بويىنشا ق ر ق ك 339-بابىمەن ءىس قوزعالدى. قازىرگى تاڭدا سوتقا دەيىنگى تەرگەۋ امالدارى جۇرگىزىلۋدە. ال، قۇستار بولسا شىمكەنت قالالىق زووباعىنا جەتكىزىلدى» دەلىنگەن حابارلامادا.