قازاقستاندا سىرا مەن شاراپ جارناماسىنا رۇقسات بەرىلمەك

«زاڭ جوباسى اياسىندا 5 نەگىزگى نورمانى ەنگىزۋ كوزدەلىپ وتىر. ءبىرىنشى - وتاندىق باسپا ءسوز، ب ا ق ءۇشىن سالىقتىق جەڭىلدىكتەر. ەكىنشى - مەملەكەتتىك اقپاراتتىق ساياساتتىڭ ءبىرىڭعاي جۇيەسىن قۇرۋ. ءۇشىنشى - وتاندىق ب ا ق- تا سىرا مەن شاراپتىڭ ساۋدا بەلگىسىنە نەمەسە اتاۋىنا جارناما جاساۋعا تىيىمدى الۋ تاستاۋ. ءتورتىنشى - مەملەكەتتىك قاتىسى بار تەلەراديوارنالار ءۇشىن حابار تاراتۋ ءتىلىن انىقتاۋدا وكىلەتتى ورگاننىڭ قۇزىرەتىن بەكىتۋ. سوڭعىسى - اقپاراتقا قولجەتىمدىلىك تۋرالى زاڭنامانى جەتىلدىرۋ» ، - دەدى ول اقپارات جانە قوعامدىق دامۋ سالاسىنداعى قوعامدىق كەڭەستىڭ وتىرىسىندا.

ونىڭ اتاپ وتۋىنشە، گازەت پەن جۋرنالدار ءۇشىن 2021 -جىلدان باستاپ 10 جىل مەرزىمگە نولدىك مولشەرلەمەمەن قوسىلعان قۇن سالىعىن ەنگىزۋ كوزدەلەدى. مۇنداي جەڭىلدىك باسىلىمنىڭ مىندەتتى تۇردە ونلاين- نۇسقاسى بولعان كەزدە عانا ۇسىنىلادى.

«سونىمەن قاتار زاڭ جوباسىندا قازاقستان اۋماعىندا شىعارىلعان سىرا مەن شاراپتىڭ تاۋارلىق بەلگىسى مەن اتاۋىنا جارناما جاساۋعا تىيىمدى الۋ تاستاۋ ۇسىنىلادى. بۇل ينتەرنەت جەلىسى مەن شەتەلدىك كابەلدىك تەلەارنالاردى مۇنداي جارنامانىڭ ورنالاستىرۋىمەن، ال قازاقستاندىق باق بۇل كىرىسى كوزىنەن ايرىلىپ وتىرعانىمەن بايلانىستى. بۇل سۋسىنداردىڭ جارناماسى گازەتتەردىڭ ءبىرىنشى جانە سوڭعى بەتتەرىنە، جۋرنالداردىڭ مۇقاباسىنا جاريالانباۋى ءتيىس. تەلەارنالار ءۇشىن مۇنداي جارناما ساعات 22:00 دەن 06:00 گە دەيىن عانا رۇقسات ەتىلەدى» ، - دەدى باقنياز قاراشينا.

دەپارتامەنت باسشىسىنىڭ ايتۋىنشا، مۇنداي جارنامالاردىڭ الكوگول ونىمدەرىن شامادان تىس ءىشۋدىڭ زيانى تۋرالى مىندەتتى ەسكەرتۋى بولادى. سونىمەن قاتار سىرا مەن شاراپ جارناماسىنان كەيىن ىلە- شالا سالاۋاتى ءومىر سالتىن ناسيحاتتان روليكتەر كورسەتىلەدى.