اسكەري ديپلوماتتار قازاقستاننىڭ اسكەري-ۇشۋ يستيتۋتىندا بولدى

ازەربايجان، ارمەنيا، موڭعوليا، پاكىستان، رەسەي، رۋمىنيا، تۇرىكمەنستان، تۇركيا، ۋكراينا، فرانسيا جانە جاپونيا ەلدەرىنىڭ اسكەري اتتاشەلەرى اۆياتسيالىق قارۋ-جاراقتاردىڭ تەحنيكالىق ەكسپلۋتاتسياسى، اۋە كەمەلەرى مەن اۆياتسيالىق قوزعالتقىشتاردىڭ قۇرىلىمدارى كافەدرالارىندا، سونداي-اق وقۋ زەرتحانالارىندا بولدى.

اسكەري ديپلوماتتار وقۋ-ماتەريالدىق بازانىڭ جاقسى قىرلارىن، سونداي-اق جوعارى ساناتتاعى ۇشۋ جانە ينجەنەرلىك كافەدرالاردىڭ دايىندىعىنا اسەر ەتەتىن اسكەري ينستيتۋتتىڭ وقىتۋشى قۇرامىنىڭ كاسىپقويلىلىعىن اتاپ ءوتتى.

ق ر ق م حالىقارالىق ىنتىماقتاستىق دەپارتامەنتى اتاپ وتكەندەي، اتالمىش ساپاردىڭ باستى ماقساتى - ۇشقىش جانە اۆياتسيالىق ينجەنەردىڭ دايىندىعى مەن وقىتۋىنا تاجىريبە الماسۋ. جالپى اسكەري ءبىلىم سالاسىنداعى پرەسپەكتيۆتى ىنتىماقتاستىق جوسپارى دا قىزىعۋشىلىق تۋدىردى.

قازىرگى تاڭدا ەكى مارتە كەڭەس وداعىنىڭ باتىرى ت. بەگەلدينوۆ اتىنداعى اۋە قورعانىس كۇشتەرىنىڭ اسكەري ينستيتۋتى قازاقستاندى جانە ورتالىق ازياداعى اسكەري-كولىكتىك، مايداندىق جانە ارميالىق اۆياتسياداعى ۇشقىشتاردى، قارۋلى كۇشتەر ءۇشىن اۆياتسيالىق مامانداردى دايارلايتىن جالعىز جوعارى اسكەري وقۋ مەكەمەسى بولىپ تابىلادى. اسكەري ج و و- نىڭ تۇلەكتەرى - ۇشۋ جانە ينجەنەرلىك ماماندىقتاردىڭ وفيتسەرلەرى جىل سايىن قازاقستاندىق اسكەردىڭ قاتارىن تولىقتىرۋدا.

اۋە قورعانىس كۇشتەرىنىڭ اسكەري ينستيتۋتىندا قازاقستاندىق كۋرسانتتاردان باسقا، ۇ ق ش ۇ باعدارلاماسىمەن قىرعىزستان جانە تاجىكستان ەلىنەن كۋرسانتتاردا ءبىلىم الاتىنى ايتا كەتكەن ءجون.