ساحناعا ءان ايتىپ شىققان ادىلبەك نيازىمبەتوۆ ەلدى تاڭىرقاتتى
نۇر-سۇلتان. قازاقپارات - بوكستان وليمپيادانىڭ ەكى دۇركىن كۇمىس جۇلدەگەرى، تانىمال بوكسشى ادىلبەك نيازىمبەتوۆ قازاقستان ۇلتتىق تەلەارناسى ۇيىمداستىرعان «ەكى جۇلدىز» جوباسىنا قاتىسۋدا دەپ حابارلايدى KAZ. NUR. KZ.
بۇل تۋرالى جاڭالىقپەن سپورتشىنىڭ ءوزى Instagram جەلىسىندەگى پاراقشاسىندا ءوزى بولىسكەن.
«سەنبى 21:00 دە قازاقستان ۇلتتىق ارناسىنىڭ ەفيرىندە «ەكى جۇلدىز» جوباسىنىڭ ەكىنشى اينالىمى»، - دەپ جازدى نيازىمبەتوۆ.
بوكسشى وتاندىق باعدارلامادا «كەشيۋ» توبىنىڭ بۇرىنعى ءانشىسى بالجان بيداشپەن بىرگە ونەر كورسەتەدى.
الايدا ادىلبەكتىڭ ەندى ايتاتىنىن ەستىگەن جەلى قولدانۋشىلارى بۇعان تاڭىرقاپ، ءتۇرلى پىكىرىن جاۋدىرعان.
«سپورتشىلار دا ءانشى بولىپ كەتكەن بە؟ ءاۋ دەمەيتىن قازاق جوق»، «ءسىز تاعى ءان ايتاسىز با، كورۋ كەرەك ەكەن، ساتتىلىك سىزگە»، «ءسىز دە قاتىسىپ جاتىرسىز با؟» دەپ جازدى جەلىدەگىلەر.
ايتا كەتەيىك، ادىلبەك نيازىمبەتوۆ 2001 جانە 2003-جىلدارى وتكەن الەم چەمپيوناتىنىڭ كۇمىس جۇلدەگەرى، 2013-جىلعى ازيا قۇرلىعىنىڭ جەڭىمپازى، 2012، 2016-جىلدارى وتكەن وليمپيادادا كۇمىس جۇلدەگەرى.
