قار، ۇسىك، جەل: قازاقستاننىڭ بارلىق وڭىرىندە كۇن سۋىتادى

قازاقستاننىڭ باتىسى مەن سولتۇستىگىندە تۇنگى ۇسىككە سەبەپشى بولعان سۋىق انتيتسيكلون شىعىس باعىتقا جىلجۋدا. الداعى ءۇش تاۋلىكتە رەسپۋبليكانىڭ ورتالىعى مەن شىعىسىندا اۋا تەمپەراتۋراسى تومەندەپ، ۇسىك جۇرەدى.

سونىمەن بىرگە، ورال اۋداندارىنان كەزەكتى سۋىق فرونت ىعىسىپ كەلە جاتىر. سونىڭ اسەرىنەن رەسپۋبليكانىڭ باسىم بولىگىندە جاۋىن- شاشىن بولادى. كۇشتى ەكپىندى جەل تۇرىپ، سولتۇستىك وبلىستاردا جاڭبىر جىلبىسقى قارعا اۋىسادى.

ەگەر وتكەن ءۇش تاۋلىكتە اۋا تەمپەراتۋراسى وڭتۇستىكتە، ورتالىق پەن شىعىستا قالىپتى نورمادان 3…6° °С جوعارى بولسا، سەنبى كۇنى نورماعا جاقىندايدى.

ال جەكسەنبى كۇنى بارلىق وڭىرلەردە اۋا تەمپەراتۋراسى نورمادان 3…8° °С تومەن بولادى.