پاۆلودارداعى پوليتسەي ءولىمى: پ د باسشىلارىنىڭ ءبىرى كۇدىككە ءىلىندى
نۇر-سۇلتان. قازاقپارات - پاۆلودار وبلىستىق پ د باسشىسىنىڭ ورىنباسارى پوليتسەيدىڭ ولىمىنە قاتىستى تەرگەۋ ءىسى اياقتالعانشا قىزمەتىنەن شەتتەتىلدى، دەپ حابارلايدى pavlodarnews.kz.
وبلىستىق پوليتسيا دەپارتامەنتىنىڭ وكىلدەرى اتالمىش قىلمىستىق ىسكە قاتىستى اقپارات تاراتتى.
پوليتسيا دەپارتامەنتىندە وتكەن باسپا ءسوز ءماسليحاتىندا دەپارتامەنتتىڭ ىشكى قاۋىپسىزدىك باسقارماسىنىڭ باستىعى اسقار سەرعازين ءىستى العاشىندا ءى ق ب زەرتتەگەنىن ايتتى. الايدا قايتىس بولعاننىڭ تۋىستارى سەنىمسىزدىك بىلدىرگەننەن سوڭ ءىستى جۇرگىزۋ باسقا ورگانعا بەرىلدى.
«پ د باسشىلارىنىڭ بىرىنە كۇدىك تاعىلۋدا. پروكۋراتۋرامەن كەلىسە وتىرا ءىستىڭ وبەكتيۆتىلىگىن قامتاماسىز ەتۋ ماقساتىندا ءىس باسقا ورگانعا تاپسىرىلدى»، - دەيدى اسقار سەرعازين. مينيستر بۇيرىعىمەن ول (پ د باستىعىنىڭ ورىنباسارى - رەداكسيا تۇسىندىرمەسى) تەرگەۋ ءىسى اياقتالعانشا قىزمەتىنەن شەتتەتىلدى.
ەسكە سالساق، بۇعان دەيىن پاۆلودارلىق پوليتسەي اسۋلى كۇيىندە تابىلعاندىعىن، وعان قاتىستى تەرگەۋ ءجۇرىپ جاتقانىن حابارلاعان بولاتىنبىز.
