وڭتۇستىك كورەيامەن كوشى-قون سالاسىندا كەلىسىم جاسالماق

نۇر-سۇلتان. قازاقپارات – ق ر سىرتقى ىستەر جانە ىشكى ىستەر مينيسترلىكتەرىنىڭ وكىلدەرى وڭتۇستىك كورەيانىڭ ادىلەت مينيسترلىگىنىڭ يمميگراتسيا قىزمەتىندە كەزدەسۋ وتكىزدى.

بۇل تۋرالى قازاقپارات قازاقستاننىڭ ىشكى ىستەر مينيسترلىگىنە سىلتەمە جاساپ حابارلايدى.

«كەزدەسۋدە كوشى-قون سالاسىنداعى سەرىكتەستىكتى ودان ءارى جەتىلدىرۋ ماسەلەلەرى تالقىلاندى. ەكى تاراپ كوشى-قون سالاسىندا اقپارات الماسۋ جونىندەگى كەلىسىمدى پىسىقتاپ، قول قويۋ تۋرالى ءوزارا تۇسىنىستىككە قول جەتكىزدى. بۇل كەلىسىم زاڭسىز كوشى-قون مەن قوس ازاماتتىقتى بولدىرماۋعا قاتىستى اقپاراتتاردى جەدەل الماسۋعا مۇمكىندىك بەرەدى. كەلىسىمگە قول قويۋ ارقىلى زاڭسىز ميگراتسياعا جانە ەكى ەل زاڭدارىنىڭ بۇزىلۋىنا جول بەرمەۋ جونىندەگى ىنتىماقتاستىقتىڭ جاڭا دەڭگەيىنە شىعامىز»، - دەيدى ق ر ءى  ءى م كوشى-قون قىزمەتى كوميتەتىنىڭ باسقارما باسشىسى اسقار الدوڭعاروۆ.