ەلوردادا جولاۋشىلار اۆتوبۋسى مەن تەپلوۆوز سوقتىعىستى

نۇر-سۇلتان. قازاقپارات - ەلوردادا تەمىرجولدى قيىپ ءوتىپ بارا جاتقان 53№ باعدارداعى اۆتوبۋس پەن تەپلوۆوز سوقتىعىستى.

بۇل تۋرالى بۇل تۋرالى «Astana LRT» ج ش س قوعاممەن بايلانىس دەپارتامەنتىنىڭ باسشىسى ناۋات ازانبايەۆا ءمالىم ەتتى، دەپ حابارلايدى قازاقپارات ءتىلشىسى.

«13- قىركۇيەك كۇنى ساعات 07:45 كەزىندە جەتىگىن كوشەسىندە پۋشكين كوشەسى باعىتىندا 53№ باعدارىنداعى اۆتوبۋس پەن تەپلوۆوزعا قاتىستى جول-كولىك وقيعاسى تىركەلدى. كولىك اپاتى كەزىندە اۆتوبۋستا جولاۋشىلار بولماعان. وقيعا ورنىنا كەلگەن پوليتسەيلەر اۆتوبۋس جۇرگىزۋشىسىنە اكىمشىلىك حاتتاما تولتىردى»، - دەدى ن. ازانبايەۆا.

اتالعان قوعامدىق كولىكتىڭ جۇرگىزۋشىسى رەيستى باستاۋ ءۇشىن بازادان ايالداماعا قاراي جۇرگەن.

جول اپاتىنان كەيىن اۆتوبۋس جۇرگىزۋشىسى جۇمىسىنان شەتتەتىلدى. ج ك و بويىنشا تەكسەرۋ جۇرگىزىلىپ جاتىر.