اسقار مامين دميتري مەدۆەديەۆپەن كەزدەستى
ەكى ەلدىڭ پرەمەر-مينيسترلەرى ستراتەگيالىق سەرىكتەستىكتىڭ وزەكتى ماسەلەلەرى مەن ساۋدا-ەكونوميكالىق، ينۆەستيتسيالىق جانە ايماقارالىق ىنتىماقتاستىقتى ودان ءارى ارتتىرۋ كەلەشەگىن تالقىلادى.
اسقار مامين سونىمەن قاتار «رەسەي تىكەلەي ينۆەستيتسيالار قورى» باس ديرەكتورى ك. دميتريەۆپەن، «سىرتقى ەكونوميكالىق بانك» باسقارما ءتوراعاسى ي. شۋۆالوۆپەن، «رەسەي تەمىر جولدارى» ا ا ق باسشىسى و. بەلوزەروۆپەن جانە «روسگەولوگيا» حولدينگىنىڭ باسشىسى س. گوركوۆپەن جەكەلەگەن كەلىسسوزدەر جۇرگىزدى.
ينۆەستيتسيالىق ىنتىماقتاستىقتى ارتتىرۋ، بىرلەسكەن ينفراقۇرىلىمدىق جوبالاردى ىسكە اسىرۋ، ەلەكتروندى كوممەرتسيا نارىعىن دامىتۋ جانە ە ا ە و اياسىنداعى ءوزارا ءىس-قيمىل الەۋەتى تالقىلاندى.
ق ر پرەمەر-ءمينيسترى اسقار مامين قازاقستاننىڭ تۇڭعىش پرەزيدەنتى - ەلباسى نۇرسۇلتان نازاربايەۆتىڭ دەلەگاتسياسى قۇرامىندا حالىق شارۋاشىلىعى جەتىستىكتەرىنىڭ كورمەسىندەگى «قازاقستان» قايتا جوندەلگەن پاۆيلونىنىڭ اشىلۋ سالتاناتىنا قاتىستى.
