قازاقستان مەن قىرعىزستان اسكەرلەرى «سارىشاعان» پوليگونىندا وقۋ-جاتتىعۋ وتكىزۋدە
جاۋىنگەرلىك جاعدايعا بارىنشا جاقىنداتىلعان كۇيدە، ياعني شارتتى قارسىلاستىڭ قاناتتى زىمىراندارى مەن جاۋىنگەرلىك اۆياتسياسىن يميتاتسيالايتىن نىسانداردى پايدالانا وتىرىپ، ا ش ق ق اسكەرلەرى پراكتيكالىق اتۋلاردى پىسىقتاۋدا.
اۋە نىساندارىن جويۋعا جاۋىنگەرلىك اۆياتسيا - ميگ-31 جويعىشى «اۋە-اۋە» زىمىراندارىمەن بىرگە قولداۋ كورسەتۋدە. وقۋ-جاتتىعۋعا اۋە قورعانىسى كۇشتەرى جەكە قۇرامىنىڭ 1 مىڭنان اسا اسكەري قىزمەتشىسى مەن مەرزىمدى قىزمەتتەگى ساربازدار قاتىسۋدا. ولار وفيتسەرلىك قۇرام مەن كەلىسىمشارت قىزمەتىنىڭ اسكەري قىزمەتشىلەرىنەن العان بىلىمدەرىن ءىس جۇزىندە قولداندى.
«جاۋىنگەرلىك دوستاستىق-2019» حالىقارالىق وقۋ-جاتتىعۋى شەڭبەرىندەگى پراكتيكالىق ءىس- قيمىلدار، سونداي-اق رەسەيدىڭ «اشۋلۋك» پوليگونىندا وتۋدە. بىرلەسكەن وقۋ-جاتتىعۋ حالىقارالىق اسكەري ىنتىماقتاستىقتى نىعايتىپ، ت م د ا ش ق ق بىرلەسكەن جۇيەسى اياسىندا ءوزارا ءىس-قيمىل جۇرگىزۋدىڭ تيىمدىلىگىن ارتتىرۋدا سەپتىگىن تيگىزەدى.
