وتانداستارىمىز ەل بولاشاعىنا بەي-جاي قارامايتىن بولدى - مەملەكەت باسشىسى
بۇل تۋرالى بۇگىن ۇلتتىق قوعامدىق سەنىم كەڭەسىنىڭ العاشقى وتىرىسىندا قازاقستان پرەزيدەنتى قاسىم-جومارت توقايەۆ ايتتى، دەپ حابارلايدى قازاقپارات ءتىلشىسى.
«وتانداستارىمىز ەل بولاشاعىنا بەي-جاي قارامايتىن بولدى. اشىق تۇردە ءوز پىكىرلەرىن ايتا باستادى. ازاماتتىق قوعام بارىنشا بەلسەندى بولا ءتۇستى. دەگەنمەن، كەيدە وعان كەمەلدىلىك جەتىسە بەرمەيدى. ءبىراز، بۇل جۇرە تۇزەلەتىن ءىس. ال بۇل ءبىزدىڭ دەموكراتيامىزدىڭ نىعاياتىندىعىن، قوعامدىق سانا-سەزىمىن وتانشىلدىق قۇندىلىعىنا نەگىزدەلەتىندىگىن بىلدىرەدى»، - دەدى ق ر پرەزيدەنتى.
مەملەكەت باسشىسى كەڭەستىڭ ءاربىر مۇشەسىنىڭ ءوز پايىمى مەن ۇستانىمى بار ەكەندىگىنە نازار اۋداردى.
«بۇل دامىعان ازاماتتىق قوعامنىڭ تابيعي جاي-كۇيى. ءبىز مەنىڭ ۇلىقتاۋ راسىمىندە ايتقان «ءارتۇرلى پىكىر، ءبىرتۇتاس ۇلت» دەگەن تەزيسىمە سۇيەنۋىمىز قاجەت. شىندىعىندا بالاماسىز، باستاماسىز جانە بەلسەندىلىكسىز دامۋعا جول جوق. بۇل العا جىلجۋدى قامتاماسىز ەتەتىن ءۇش كيت»، - دەدى قاسىم-جومارت توقايەۆ.
اۆتور: مارلان جيەمباي
