قازاقستاندا وقۋشىلار سىنىپتى وزدەرى جۋاتىن بولادى

نۇر- سۇلتان. قازاقپارات - قازاقستاندا وقۋشىلار تەحنيكالىق قىزمەتكەرلەردىڭ ورنىنا سىنىپتى جۋۋعا كىرىسەدى. سىبايلاس جەمقورلىققا قارسى قىزمەت جاپوندىق جۇيەدە قازاقستاندىق مەكتەپ وقۋشىلارىن وقىتۋدىڭ جاڭا ءادىسى تۋرالى ايتتى.

ساباقتان كەيىن تەحنيكالىق قىزمەتكەرلەردىڭ ورنىنا وقۋشىلار سىنىپتى وزدەرى جينايدى. بۇل تاجىريبە قازىردىڭ وزىندە نۇر- سۇلتاننىڭ №80-مەكتەبىندە ەنگىزىلگەن. وتكەن جىلى ەلوردالىق مەكتەپتە جاپون ءادىسى ەنگىزىلگەن بولاتىن - ەندى ءبىرىنشى اۋىسىمنىڭ 7-11 -سىنىپ وقۋشىلارى ەكىنشى اۋىسىمنىڭ وقۋشىلارى ءۇشىن تازارتۋ جۇمىسىن وزدەرىن جاسايدى.

«ءبىز بالالاردى ەڭبەككە جانە باسقا ادامداردىڭ جۇمىسىنا قۇرمەتپەن قاراۋىمىز كەرەك. ارينە، ءبىز تەحنيكالىق قىزمەتكەرلەردەن باس تارتقان جوقپىز، ويتكەنى ولار جالپى تازالىق جۇمىستارىن جۇرگىزۋى كەرەك. شىنىمدى ايتسام، ءبىر اتا- انا بۇعان قارسى بولدى - ول قىزىن تازارتۋعا رۇقسات بەرمەيتىنىن ايتتى. ءبىز ەشكىمدى ماجبۇرلەمەيمىز دەپ جاۋاپ بەردىك - ءبارى ەرىكتى تۇردە بولادى. بۇل باستامانى بارلىق اتا- انالار قولدادى. ءبىزدىڭ مەكتەپتە وقيدى 1906 بالا»، - دەدى مەكتەپ ديرەكتورى.

سىبايلاس جەمقورلىققا قارسى قىزمەت بريفينگىندە قازاقستاننىڭ باسقا مەكتەپتەرى وسى تاجىريبەدەن ساباق الادى دەپ ۇمىتتەنەمىز دەپ قوستى.

«جاپونيادا بالالار وزدەرى تازالاۋ جۇمىسىن جۇرگىزەدى - بۇل مادەنيەت. فۋتبولدان الەم كۋبوگىندا جانكۇيەرلەردىڭ ءوزى وتىرعان جەرىن قالاي تازالاعانىن بارلىعى بىلەدى، جاپون ويىنشىلارى سولاي ىستەدى - ولار وسىلايشا «ويىن ءۇشىن راحمەت» دەگەن بەلگىسىن ءبىلدىردى.

بۇل ولاردىڭ ءداستۇرى. قازاقستانداعى مەكتەپتەر وسى تاجىريبەدەن ساباق الادى دەپ سەنەمىز. ءبىز وسى تاجىريبەنى ىسكە اسىرۋ تەتىكتەرى تۋرالى كەڭەس بەرۋگە دايىنبىز»، - دەدى دانيار سابىربايەۆ.